رواية ضائعة في قلب مـيـت كاملة الجزء الأول كامل من الفصل الأول إلي الفصل الثلاثون

ماتنسوش دعوة صادقة من قلوبكم الصافية ليا حصريا في جروب روايات وأسرار بين السطور
فى شركة أشرف الجيار كبرى شركات المقاولاتطرقات على باب مكتب أشرف الجيتار صاحب كبرى شركات المقاولات
أشرف الجيار أدخل
تدخل ديما فتاه جميله جمال غير عادى بشعرها الأسود المموج الطويل الذى يصل الى خصرها وعيونها التى تحتار فى لونها فهى تتقلب من الأخضر الى الرمادي الى الأزرق حسب حالتها المزاجية وأنفها الصغير وشفتاها الورديه كل هذا فى وجه ببشره بيضاء خاليه من العيوب ديما بصوت رقيق صباح الخير
اشرف صباح النور ديما صح رغم أنى ماشفتكيش من وأنتى عندك سبع سنين بس عرفتك بقيتى شبه مامتك الله يرحمها بالظبط
ديماالله يرحمها اذى حضرتك يا أونكل وأزى طنط رجاء.
اشرف الحمد لله بخير انتى عامله واخبار صحة بابا دلوقتي آيه
ديماوقد كسى الحزن ملامحها الجميله الحمد لله بخير ماشيين على جلسات الكيماوي بقالنا فتره وأما نشوف النتيجه
اشرف ربنا طمنا عليه يارب
ديما يارب يا أونكل
اشرف شوفى بابنتى والدك لما كلمتى أنا كان فى دماغه أعينك فى قسم الترجمة عشان عرفت انك دارسه لغات بس فيه حاجه جدت مدام سميه السكرتاريه مسافره شهور عشان جوزها عمل عمليه فى ألمانيا ولازم تكون معاه فأنتى تمسكى مكانها تمام
ديمااوكى يا أونكل أنا معنديش مشكله فى أى مكان أنا والله مكنتش حابه انزل اشتغل واسيب بابا وخصوصا حضرتك عارف حالته بس هو الى مصمم يعنى أكيد هو حكى لحضرتك ليه هو مصمم
أشرفايوه يابنتى حكالى وعرفنى انى جوزك أتوفى من سنتين وانك من ساعتها لابتخرجى ولا بتقابلى حد وهو فكر ان فكرة الشغل تلهييكى وتنسيكى شويه
ديما وبحزن وهى تمسك سلسله رقيقه تتدلى من رقبتها عمرى ماهنسى ادهم ابدا
اشرف ربنا يرحمه يابنتى ويصبرك على فراقه الدنيا عمرها مابتقف على الحياه لازم تستمرلازم تحاولى تعيشى حياتك حتى عشان والدك يابنتى انتى مش متخيله هو زعلان عشانك ازاى
ديماعارفه با أنكل وانا بحاول اتماسك عشانه وعشان كده وافقت على فكرة الشغل ومش هيفرق المكان صدقنى المهم انى أشتغل عشان باله يرتاح
اشرفتمام انتى تروحى دلوقتى لمدام سميه وهى هتعرفك الشغل ماشى ازاى وادامك اسبوع تكونى اتعلمتى لانها مسافره بعد كده بس خلى بالك انا مدير شديد يعنى مابتهاونش فى الغلط يعنى مش هيفرق معايه انك بنت صحبى والى طالع كده زيى ابنى سيف هو ماسك فرع الشركه فى الغردقه ومتجوز هناك وعنده بنت اسمها كارما
ديماربنا يخليهاله وماتقلقش انا كمان مابحبش الوسطه فى الشغل وهكون مبسوطه لو حضرتك اتعاملت معايه على انى اى واحده واتمنى اكون عند حسن ظنك
اشرف اكيد انا من انهارده البشمهندس اشرف وانتى مدام ديما تمام
ديما اوك
ديما اوكى يا ان.... قصدى يابشمهندس فى الغردقهتحديدا فى فيلا سيف اشرف الجيار رجل الاعمال حيث يعيش هو وزوجته وابنته ويعمل فى فرع شركة الجيار للمقاولات فى الغردقه
سيف شاب وسيم جدا بشعره الاسود الناعم وعيونه الرمادى ويمتلك جسد رياضى وطويل ... سنه سنه 
يدخل سيف فيلته ولكن يستوقفه نداء اشبه بصريخ
ريهامسيف
ريهام الفيومى زوجة سيف أبنة حسين الفيومى رجل اعمال وعلى صله برجال مهميمن فى الدوله توفى من خمس سنوات وترك كل اعماله لريهام ابنته التى تديرها بجداره فهى ناجحه جدا كسيدة اعمال ولكنها فاشله كزوجه وام جداريهام بصريخ سيفسيف بصوت منخفض انتى هنا يابومه
ريهام انت بتقول ايه
سيف بقول انتى هنا يارهوومه
ريهام اه بحسب .. تقدر تقولى الى انت عملته ده يا استاذ
سيف عملت ايه خييير
ريهام يعنى مش عارف ازاى يا استاذ يامحترم تسمح لنفسك تروح تعمل علاقه مع بسمه الى شغاله عندى فى العلاقات العامه
سيف وهو يعض على شفتيه بسمه اه .... بسمه
ريهام بعصبيه انت بتستهبل ازاى تعمل كده
سيف بهدوء مستفز في ايه ياريهام هى اول مره تعرفى انى بعط مع ستات من وراكى ماانتى عارفه من سنين ولا فارق معاكى
ريهام ايوه طبعا عارفه بس ده كله بعيد عنى وعن الى شغالين معايه لكن لما يكون حد تبعى وشغال عندى هيبقى منظرى ايه ادام الناس
سيف ثوانى بس افهم انتى مش فارق معاكى انى بنام مع ستات غيرك الى فارق بس معاكى انها بتشتغل عندك
ريهام طبعا امال انت فاكر ايه مش على اخر الزمن واحده بتشتغل عندى تبصلى وكانها بتغظنى وتقولى انا كنت مع جوزك امبارح وانا قلت لك قبل كده اعمل الى انت عاوزه بس بعيد عنى وعن الى شغاليين معايه
سيف ليه احبيبتى كده هو انتى مش شايفه انى جوزك ولا انا بقيت بالنسبه لك شراب مقطع
ريهام بنرفزه شوف انا بتكلم فى ايه وانت فى ايه آخر انذار ليك ياسيف ابعد عن الى شغاليين معايه والا والله هطلع جنانى عليكى وانت عارفنى
سيف عارفك طبعا ياحياتى وان كان على بسمه خديها اشبعى بسها الحريم على افه مين يشيل ولا اقولك ماتيجى نطلع أوضتنا مش سمكن اعجبك زى زمان وساعتها وعد الكشافه هبطل عط ومش هبص بره ولا جوه ها نطلع
رهام والله انت فايق اوى سييبك من الكلام ده وقولى عملت ايه فى مشروع السبا الى كلمتك عليه
سيف مشروع ايه ياريهام هو انت يا ريهام ناقصه مشاريع
رسهام ده مشروع مضمون ياسيف وانا معندش سيوله اعمله فأنت مولنى وانا اول ماتجينى فلوس هرجعهملك علطول وبأرباحهم كمان
سيف سمعتى الجمله دى فى 3 مشاريع ولا شفت منك حاجه وعلى العموم سبينى افكر
ريهام بدلع وهى تضع ذراعيها حوله وحياتى ياسوفه عشان خاطرى
سيف بأندهاش سوفه غريبه
ر يهام ايه مش من حقى ادلع جوزى حبيبى
سيف حبيبى وده من امتى
ريهام وهى تقترب منه اكتر من زمان اوى
سيف لأ مش عارف اثبتيلى لحسن انتى وحشانى اوى يا ريهام
وقام بحملها وصعد بها الى غرفة نومهم .
عوده مره اخرى للقاهره كانت ديما تعمل مع مدام سميه بهمه وقد اعجبت جدا مدام سميه بنشاطها وذكائها وسرعة استيعابها
مدام سميه ماشاء الله عليكى ياديما ذكيه جدا وماتعبتنيش
ديما بجد شهادتك دى بجد مهمه عندى لانى عرفت من البشمهندس اشرف انه بيعتمد عليكى فى كل حاجه وبيثق فى رأيك
مدام سميه يابنتى ده احنا عشره 12 سنه مع بعض وعشان كده انا واخده كل طباعه ومش بعرف اجامل زيه
ديما انا كمان مابحبش المجامله
سميه ياله عشان تروحى احنا كده خلصنا مش عايزين جوزك يضايق من اولها
دييما بحزن جوزى
سميه اه جوزك انا سمعت البشمهندس بيقولك يامدام
ديما هو انا يعنى كنت متجوزه بس هو دلوقتى الله يرحمه
سميه انا اسفه يابنتى مكنتش اعرف على كده معاكى ولاد
ديما لأ يامدام سميه ادهم جوزى اتوفى بعد 3 ايام من جوازنا
سميه ياحببتى يابنتى
ديما بصوت مخنوق اصله كان بيشتغل ظابط واتضرب عليه نار
سميه يابنتى ربنا يصبرك ياله ياحبيبتى قومى روحى تحبى اوصلك
ديما لأ انا معايه عربيتىخرجت سميه من الشركه واستقلت سيارتها الى البيت حيث تسكن هى ووالدها بعد وفاة والدتها من 11 عام كانوا يسكنوا بمدينة المنصوره وبعد الوفاه قرر لوالدها الانتقال الى القاهره ليعشوا فيها وكانت ديما بعمر 11 عاموصلت ديما الى البيت ودخلت شقتهمديما لوالدها ازيك يابابا
والدها الاستاذ مصطفى رضوان لواء متقاعد مصاب بمرض السرطان فى الرئه وفى مراحله الا خيره
مصطفى اهلا ديمومتى عملتى ايه طمنينى
ديما الحمد لله يابابا الشغل حلو اوى وعمو اشرف طيب اوى بس شديد اوى فى الشغل
مصطفى اه يابنتى هو ف الشغل مايعرفش ابوه
ديما اه يابابا واضح
مصطفى واحنا بنتغدى هحكيلك شوية حاجات عنه يمكن يفيدك
ديما ماشى يابابا خلى جميطله تحط الاكل عقبال ما اغير هدومى
دخلت ديما الى غرفتها وغيرت ملابسها وجلست مع والدها على السفره
ديما ها يابابا احكى لى
مصطفى بصى ياستى انا ومصطفى جيران من زمان اوى من وقت ماكنا فى المنصوره هو كانت عيلته متيسره بس مش غنيين دخلت كلية هندسه واتخرج مهندس مدنى وسافر السعوديه بعدها بخمس سنين رجع معاه قرشين كويسين فتح شركه هنا فى القاهره واتجوز رجاء ست طيبه اوى بس وربنا فتحها عليه من وسع وشغله كبر واتوسع
ديما وحضرتك ماشفتوش من ساعة لما سافر
مصطفى لأ يابنتى شفته هو ومراته كنا نازلين مصر انا ووالدتك الله يرحمها وقابلنا بعض فى النادى واتغدينا سوا كنتى عندك ساعتها 7 سنين وياسر اخوكى 14 سنه وهما كان عندهم ابنه اسمه تقريبا اه سيف
ديما اه حكالى عمو علييه بيشتغل فى الغردقه ومتجوز هناك وعنده بنت
ممصطفى هو ماسك شغل ابوه رغم انه مهندس ديكور
ديما ايه ده بجد دى معلومه جديده
مصطفى عارف اول ماسيف يوم ما اتقابلنا معاهم وشافك قال ايه
ديما هو شافنى انا مش فاكراه ولا فاكره اننا قابلنا طنط رجاء غير فى عزا ماما
مصطفى ما انتى كنتى صغيره وقتها بس انا فاكر كويس اوى قالك ايه
ديما قال ايه
مصطفى حط ايده فى جيبه ونفخ نفسه وجه عندى وقالى بص يا انكل بنتك حلو اوى فأحجزهالى لحد لما اكبر عشان انا هتجوزها
ديما ههههه معقول
مصطفى اه والله يابنتى وكلنا ساعتها ضحكنا بس يابنتى سيبك م الكلام ده الى قصدته من الحكايه دى ان عمك اشرف ده راجل عصامى بنا نفسه بنفسه كل قرش عامله تعب فيه عشان كده هتلاقيه قلبه على الشغل اوى
ديما ماتخافش يابابا انا هبيض وشك ماتقلقش
مصطفى طول عمرك يابنتى مبيضه وشى
ديما ربنا يخليك ليه يابابا هروح افتح اللاب اشوف ياسر كده اون لاين لحسن وحشنى
ممصطفى ماشى يابنتى .
عوده مره اخرى الى الغردقه
استيقظ سيف من النوم لم يجد ريهام بجانبه
سيف لنفسه راحت فين دى اه اكيد رجعت الشغل بس انا مش هسيبك ياريهام مش هينفع العيشه بالطريقه دى لازم حد يعمل حاجه والحد ده هيكون انا ... اممم ايوه هو ده الحل
ذهب سيف الى مقر عمل ريهام وهو عباره عن احدى الفنادق المملوكه لوالدها وبعد وفاتها اصبح ملكها وفى طريقه اشترى لها باقة ورد احمر وعندما وصل سأل عليها وعلم انها بمكتبها فذهب اليه ووجد الباب مفتوح وريهام تتحدث مع صدقتها دعاء كان سيدخل الا انه سمع حوار اوقفه 
دعاء يعنى برضو يا ريهام ماوفقش
رييهام اه معصلج اوى المره دى
دعاء ماهو برضو المبلغ مش قليل
ريهام انتى مش متخيله انا عملت ايه عشان اقنعه
دعاء عملتى ايه
ريهام أضطريت أمثل عليه انه وحشنى وبحبه ووووو كده يعنى
دعاء وايهاوعى يكون الى فى دماغى
ريهام اه ياختى هو الى فى دماغك تخيلى
دعاء مش ممكن معقول ياريهام ده من يوم حملك فى كارما وهو مجاش جمبك
ريهام ولا كان هيجيى وحياتك بس لولا ان هى الطريقه الوحيده الى كانت أدامى
دعاء طب ماهى مجبتاش نتيجه يافالحه ولسه ماوفقش
ريهام ليه وانا عبيطه انا مش هكلمه تانى دلوقتى هعيشه يومين كده فى العسل وبعدين اطلب منه اللى انا عايزاهدعاء مش سهله انتى ياريهام وعشان عارفه انه بيحبك ومهيصدق تديله ريق حلو بتعرفى تضغطى عليه ازاىريهام امال يابنتى انا مش سهله برضو
وهنا شعر سيف انه لا يحتمل اكثر من ذلك فدخل الى مكتب ريهام والشرر يتطايرالشرر عينه
ريهام بخضه سيف
سيف صح انتى مش سهله فعلا ياريهام
ريهام بأرتباك انت هنا من امتى
سيف من ساعة ماكنتى بتحكى عن تضحياتك معايه
ريهام سيف انت فهمت ايه ده انا
سيف بغضب انتى ايه ايه لسه هتكدبى دانا سامعك بودنى رغم انى اكيد اعمى عشان مشفتش حقيقتك السنين دى كلها وكنت مخدوع فيكى بس جه الوقت الى اسمع واشوف فيه حقيقتك
ريهام فى ايه ياسيف انت مكبر الحكايه كده ليه مكنوش كلمتين وقلناهم
سيف كلمتين كل ده كلمتين على العموم العيب مش عليكى العيب على الى لسه واقف بيتكلم معاكى الى زيك خلصت حكايتها من زمان انا راجع مصر وهاخد كارما معايه وهطلقك لان مايشرفنيش انك تفضلى على ذمتى يوم واحد بعد انهارده
ريهام تضحك بصوت عالى هههههههه تأيه ياسيف تطلقنى انت تطلقنى تطلق ريهام الفيومى الى نص شباب مصر يتمنوها لأ ياسيف مش انا الى جوزى يطلقنى انا لو عايزه انفصل عنك كنت خلعتك من زمان وانت عارف انه سهل اوى ديتها كده حد يلقطلك كام صوره وانت مع واحده من الزباله الى تعرفهم
سيف تصدقى الزباله دول انضف منك مليون مره على الاقل مابيكدبوش عليه وعارف هما عازين منى اه لكن انتى ياريهام عايز منى ايه متمسكه بجوازنا ليه
رهام مش اكتر من شكل اجتماعى
سيف يااااه للدرجه دى
ريهام بغضب ايوه للدرجه دى ياسيف انا عمرى ماهنسى الى عملته فيه
سيف ايوه بئه ايه الى انا عملته وخلاكى بتكرهينى كده
ريهام ايه ناسى ناسى عملت ايه مش انت الى خلتنى احمل مش انت الى بدلت حبوب منع الحمل بفيتامين عشان احمل ومارضتش تخلينى انزل البيبى
سيف يابنتى كل ده عشان خلتك خلفتى دى نعمه ناس كتير غيرك يتمناها بدل مانحمد ربنا عليها بتعاقبينى عشانها
ريهام بسخريه .... نعمه ومش صاين النعمه دى ليه انت فاكر اخر مره شفتها أمتى
سيف غلطان ياريهام زى حاجات كتير غلط فى حياتى وانا هصحح الغلط حالا هاخد بنتى وهطلقك وأنزل مصر وهصلح علاقتى ببنتى ومن اللحظه دى بره حياتنا
ريهام بسخريه والله انسى انت لو هطلقنى انا هاخد بنتى مش هسيبهالك هى لسه فى حضانتى
سيف نعم انا مش فاهم انتى عايزه ايه ياريهام
رهام مش عايزه حاجه انت الى داخل عامل غاغا انا عن نفسى مبسوط كده ومش بشتكى من اى حاجه وطلاق تنساه ياسيف لانك لو طلقتنى ياسيف هاخد كارما فاهمنى ولاااااا
سيف يحاول كتم غيظه فخرج مسرعا من المكتب قبل ان تهور ظل سيف يلف بسيارته وفى النهايه توصل للانسان الوحيد الذى من الممكن يساعده
سيف الو ايوه يارانيا
رانيا سكرتيرة سيف ايوه يامستر سيف
سيف من فضلك احجزلى على اول طياره بكره للقاهره والغى اى مواعيد عندى بكره
رانيا امرك يافندم هبعت لحضرتك واتس برقم الرحله والميعاد
سيف شكرا يا رانيا
عند هذا الحد عاد سيف الى منزله بعدما عقد العزم ان يعود غدا لوالده فى القاهره حتى يفكر معه فى حل
وصل سيف الى منزله فوجد ابنته مازالت مستيقظه
كارما طفله جميله ورثت من ريهام شعرها الاشقر الناعم ومن سيف العيون الرماديه الجميله فكانت خليط لطفله جميله تبلغ من العمر 5 سنوات
كارما بابى وحشتنى اوى
سيف وهو يحضتنها كارما حبيبتى وانتى كمان وحشتنى
كارما بس انا زعلانه منك بقالك كتير مش بتيجى أوضتى ولا تلعب معايه
سيف معلش يااحبيبتى بس اوعدك قريب اوى هقعد معاكى والعب معاكى كتير اوووى
كارما بجد يابابى
سيف بجد ياحبيبة بابى بس قولى وشك اصفر كده ليه ولونك مخطوف
كارما مفيش اصل كنت بلعب استغمايه مع النانى
سيف امال هى فين
كارما بتعملى اللبن عشان اشربه وانام
سيف ماشى ياحبيبتى انا طالع انام وانتى كمان نامى علطول
كارما حاضر يابابى بونويه
سيف قبلها بونويه ياروح بابى
صعد سيف ودخل الى غرفته وغير ملابسه ثم نام على سريره وهو يفكر ماذا سيفعل مع زوجتهفى اليوم التالى فى القاهره وتحديدا فى شركة الجيار مدام سميه ها ياديما كله تمام ولا فى حاجه واقفه معاكى
ديما لأ لحد دلوقتى تمام تقدرى تروحى ميعادك وانتى مطمنه
سميه على عينى اسيبك فى الاول بس لازم اروح اجيب الاشعه بتاعت جوزى وابعتها للدكتور بتاعه فى المانيا عشان يحدد الميعاد بتاع العمليه
ديما انا تمام جدا هو بس الحر الى مضايقنى غير كده انا معنديش مشكله
سميه معلش حظك ده ميعاد الصيانه الدوريه للتكيفات ومش هتشتغل قبل اربع ساعات
ديما هنستحمل هنعمل ايه
سميه بصى انا هكلملك عم محمد يبعتلك مروحه تمشى حالك لغاية لما التكيفا ت تشتغل
ديما ماشى اى حاجه لحسن الحر فظيع
سميه طيب انا نازله وهخلى عم محمد. يجيبلك المروحه
ديما مع السلامه يا مدام سميه
خرجت مدام سميه وظلت ديما تعمل بعد ما اعطى لها عم محمد الساعى المروحه انهت ديما بعد الاوراق ودلفت الى مكتب اشرف الجيار لتمضيهم وعندما خرجت صعقت وجدت ان هواء المروحه قد طر كل الاوراق من على مكتبها
دما يانهار ابيض مش ممكن ده لو خرج البشمهندس ولقى الدنيا كده هبهدلنى
لم تجد ديما مفر سوا ان تجثو على ركبتيها لتلم الاوراق بطريقه اسرع لذلك خلعت سترتها الرماديه وكانت ترتدى من تحتها قميص وردى وجيب قصير من اللون الرمادى وجوارب سوداء وعندما جثت على ركبتها لتلم الورق ارتفعت الجيب اكثر كانت منهمكه فى جمع الورق ولم تنتبه لوجود احد آخر معاها فى المكتبخرج سيف من المطار مباشرة الى شركة والده وعندما دخل مكتب السكرتاريه فوجئ بالمنظر فتاه ذات قوام ممشوق ترتدى جيب قصيره جالسه على ركبتها. وشعرها الاسود يغطى وجهها ومنهمكه فى جمع الورقشعرت ديما بأحد يراقبها وسرعان ماصدق حدثها عندما رفعت رأسها وجدت شاب يقف يراقبها مستندا على الباب فقامت بسرعه ونفضت نفسها
ديما بغضب انت مين
سيف يتفحصها ينظرات جريئه يخربيت جمااال عينيكى ...... هو فيه كده
شعرت ديما ان هناك احد يراقبها وصدق حدثها عندما رفعت نفسها وجدت شاب يستند على الباب ويقف يراقبها فنفضت نفسها وقامت
ديما بغضب انت مين 
سيف بنظرات جريئه يخربيت جمال عينيكى ... هو فى كده 
ديما بأرتباك نعم .. أنت مين وعايز أيه
سيف يعنى عينيكى دى طبيعى ولا لينسس 
ديماوانت مالك وماردتش على سؤالى انت مين وجاى عايز ايه 
سيف وقد تمالك نفسه انتى الى مين وبتعملى هنا ايه وفين مدام سميه 
عقدت ديما ذراعيها على صدرها وهى تقول والله انا مش مجبره انى اجاوب على اسألتك الا لما اعرف انت مين وبعدها اقرر اجاوب ولا لأ
سيف نعم ياختى وسعى يابت من أدامى مش عشان انتى حلوه حبيتين تتكلمى معايه بالطريقه دى انتى ماتعرفيش انا مين 
ديما أيوه انا معرفش انت مين وانت هتعرفنى ياريت
سيف بغيظ لأ مش هقولك وخليكى كده بنارك .. ازاح سيف ديما من طريقه وذهب فى اتجاه مكتب ابيه ولكن صوت ديما أستوقفه 
ديما طب والله العظيم لو اتحركت خطوه ناحية الباب لكون مناديه الامن يجوا يشيلوك ويرموك بره 
سيف ببروداه الامن عم سعيد وعم كامل ناديهم بسرعه عشان وحشنى بس انتى عارفه عقبال مايوصولوا لغاية هنا ممكن اكون قتلتك وتويتك كمان .. اقترب سيف من ديما مكملا وهو يتصنع نظرات الشر ممكن كمان يبقى فيه قبلها مثلا دلع وهزار
ديما بخوف أأأن ن ت بتقول ايه وبتقرب كده ليه أبعد هن ا ك وألا .. نظرت ديما حولها ولم تجد سوا تقالة الورق فأستعادة توازنها وصوتها.. والله العظيم لو قربت لحدفك بيها 
سيف بغضب انتى اتهبلتى يابت عايزه تحدفينى بتقالة الورق 
ديما وانت عايز تقتلنى 
سيف انا مقلتش اقتلك انا قلت هدلعك وبعدها قتل عشان تبقى الجريمه الكامله هههههه
سمع أشرف اصوات من خارج مكتبه فأنتابه القلق فخرج ليرى ماذا هناك واذ به يجد سيف ابنه يقف قريبا من ديما والشرر يتطاير من عينه وديما ممسكه بتقالة الورق 
أشرف متفاجئا سيف انت جيت امتى 
التفت سيف لوالده اهلا بابا جيت من شويه 
استوعبت ديما الاسم وكذلك عندما نادى سيف اشرف ببابا فعلمت انه سيف ابنه لذلك انزلت تقالة الورق على المكتب 
أشرف محتضنا ابنه وحشتنى اوى ياسيف
سيف وانت كمان ياببابا وحشتنى اوى 
نظر اشرف لديما ده سيف ابنى ياديما تعالى سلمى 
اقتربت ديما من سيف ومدت يديها لسيف تسلم عليه وقالت فى هدوء اهلا يابشمهندس 
سيف وقد تعمد الاحتفاظ بيد ديما اكثر من اللازم اهلا ديما 
ونظر لابيه امال فين مدام سميه 
اشرف تعالى جوا وانا هحكيلك كل حاجه بالمناسبه هو فى ايه كنتم بتزعقوا ليه وديما انتى كنت ماسكه ليه تقالة الورق
سيف مقاطعا ديما قبل ان تتحدث مفيش يابابا اصل الورق بيطير فأنا كنت بقالها تحط على الورق تقاله عشان مايطرش 
اشرف أها طيب تعالى ياسيف 
دخل اشرف الى المكتب ولكن سيف التفت لديما بصوت ملئ بالوعيد ماردتش اقوله واقطع عيشك 
ديمانعم تقطع عيشى هو احنا شغالين فى طابونه 
سيف تصدقى انا غلطان كان لازم اقوله انك كنتى عايزه تموتينى 
ديمابتحدىوانا كنت هقوله انك كنت بتعكسنى 
سبف اعكسك ياااه دانتى قديمه اوى دلوقتى بئه فيه حاجات تانية كتير ياحبيبتى زمن المعاكسه انتهى 
كانت ديما سترد ولكن صوت اشرف من الداخل مناديا على سيف قاطعهم
سيف بابا عتقك منى لولا كده كنت.... وترك جملته معلقه ودخل الى غرفة والده .
الجزء التانى من الحلقه التانيه 
دخل سيف الى والده واغلق الباب خلفه 
سيفمين دى يابابا
اشرف دى ديما بنت عمك مصطفى صاحبى 
سيف وفين مدام سميه
اشرف مدام سميه جوزها تعبان وهى اخدت اجازه 3 شهور وديما هتكون مكانها لغاية لما ترجع
سيف وانت من امتى بتشغل حد بوسطه يابابا
اشرف اولا انا معرفش ارفض طلب لمصطفى ثانيا ديما ظروفها صعبه جدا
سيفايه مش باين عليها لبسها باين عليه انه مش بتاع واحده ظروفها وحشه
ااشرف انا مقلتش ظروفهم الماديه مش كل حاجه الفلوس انا بقول ظروف حياتها
سيف ومالها حياتها 
اشرفوانت ليه مهتم سيف اوعى تكون رخمت عليها
سيف انا لا والله .. هو بس يعنى 
اشرف خلاص ياسيف يبقى رخمت صح انت الرخامه بتطلع منك تلقائى 
سيف مالك بتدافع عنها ليه ياحجوج لنكون قريب هقولها طنط ديما
اشرفبس ياولد دى اصغر منك وبعدين انا عمرى ما ابص لأى ست غير امك دى دنيتى كلها 
سيفياسيدى سيدى قولت لى بئه ربنا يسهلوه
اشرفماتغيرش الموضوع قلت لها ايه انا سامعه بتزعق وتقريبا كده كانت هتضربك بتقالة الورق ولا افتكرت الى قلته بره خال عليه 
سيف مقلتش حاجه هى مكنتش عارفانى ومكتش عايزه تدخلنى 
اشرف مضيقا عينه بس ياسيف ممم مش مصدقك هسألها 
وهنا سمع طرقات على الباب ودخلت المكتب 
ديماانا خلصت يافندم هتعوز منى حاجه قبل ما امشى 
اشرف جيتى فى وقتك قولى لى ياديما الواد سيف ده ضايقك صح عملك ايه 
ديما مفيش حاجه يافندم محصلش حاجه سوء تفاهم 
اشرفقولى ماتخفيش منه 
سيف ماخلاص يابابا مهى قالت لك مفيش حاجه وانتى ياله مش كنتى ماشيه اتكلى على الله 
اشرف بغضب سيف .. اتلم 
ديما وهى تنظر باتجاه سيف بحنق الصراحه يابشمهندس ابن حضرتك زودها معايه 
سيف نعم وانا كلمتك يابنتى 
اشرف بس ياسيف كملى ياديما عملك ايه 
ديما خلاص مفيش داعى ونظرت لسيف نظرة تحدى .. هو عرف غلطه 
سيف نعم هو انتى هتدارى عليه بص يابابا انا معملتلهاش حاجه كل الى سألتوه عنها لون عنيكى ايه وان كانوا طبيعى ولا لينسس ... ونظر لديما بتوعد .. صح يابنتى
اشرف يعنى رخمت عليها ياسيف والتفت لديما معلش ياديما يابنتى هو سيف كده جسم شاب وعقل مراهق معلش بس قولى لى ياديما هو انتى فعلا لون عنيكى ايه 
هنا انفجر سيف ضاحكا معلش ياديما يابنتى هو اشرف كده جسم عجوز وعقل مراهق والتفت الى والده مكملا ... انا قلت هنقول طنط قريب 
كانت ديما تراقبهم وهى تشعر بدموعها تهددها لذلك قبل ان تخونه دموعها تكلمت بكل هدوء
ديماانا همشى يافندم وهكون جاهزه بكره بدرى عشان الاجتماع 
اشرف وقد شعر بضيق ديما ماشى يامدام ديما اتفضلى انتى روحى 
خرجت ديما مسرعه وهى تكافح دموعها ونزلت لسيارتها لم يكن سبب دموعها تشاجرها مع سيف ولا كلام اشرف ولكن سؤالهم اكثر ما أزعجها فقد ذكرها ذلك بكلام ادهم لها 
فلاش بااااك 
ادهم كان زوج ديما وفى نفس الوقت ابن خالتها ويعمل ظابط وكان على قدر من الوسامه بشعره البنى وعيونه العسليه التى دائما تكون مبتسمه 
أدهم عارف ياديمومتى 
ديما ايه ياحبيبى 
ادهم انا ساعات بحتار فى لون عنيكى مببقاش اعرف احدد لونهم ايه هما صحيح لونهم ايه
ديما مممم مش عارفه انت شايفهم ايه ونظرت له نظره كلها حب وهيام 
ادهم ممم بصى لما بتكونى رايقه وهاديه زى دلوقتى بيكون لونهم اخضر زى زى زى البرسيم 
ديما ضربته فى كتفه اخص عليك يا ادهم برسيم 
ادهموهو اللبرسيم وحش ياحبيتى المهم لما بتكونى متعصبه بئه بتكون لونهم اغمق رمادى نقول مثلا ولما تكونى لسه صاحيه من النوم بيبقوا زرق زى السما الصافيه 
ديما يعنى قصدك انى بتحول زى الزومبى 
ادهم بزمتك فى زومبى قمر كده
ديما بحبك يا ادهم 
ادهم بحبك ياعمر ادهم 
باااااك 
ديما لنفسها اه يا ادهم سبتنى لمين وحشتنى اوى ياحبيبى 
سيف نظر لوالده بعدما خرجت ديما 
اشرف تفتكر زودناها معاها 
سيف ايه يابابا مازودنهاش ولا حاجه هى الى أتمه وبعدين انا فاكر عمو مصطفى طشاش بس فاكر انه كان مرح كده ودمه خفيف 
اشرفكان يابنى قبل ما مراته تتوفى ويعيا بالمرض الوحش 
سيف لا حول ولا قوة الا بالله ربنا يشفيه بس انا سامعك بتقولها مدام هى متجوزه 
اشرف كانت يابنتى توفى من سنتين تالت يوم جوازهم 
سيف مزهولا معقول ده ايه المأسويات دى 
اشرف مش بقولك ظروفهم صعبه 
سيف انا كنت فاكر ان عمو مصطفى ليه ولد بس خايف اسأل عنه تقولى مشلول ولا فى المعتقل 
اشرففال الله ولا فالك اخوها دكتور قلب كبير وعايش فى امريكا المهم سيبك منهم انت الى جابك انهارده كده من غير ميعاد وجاى على الشركه يعنى عايز تقول حاجه مش عايز تسمع امك بيها 
سيفطول عمرك فاهمنى يابابا انا جاى اخد رأيك فى مشكله ومش عايز ماما تعرف عشان انت عارف بتزعل وتحط فى نفسها وضغطها يعلى 
اشرفكارما كويسه ياسيف 
سيف اه يابابا متتقلقش الموضوع يخص ريهام 
حكى سيف لوالده كل شئ حدث معه من بداية حمل ريهام بكارما وبعدها عنه الى المشاجره الاخيره وماسمعه منها 
اشرف يااااه هو فى كده طب وبعدين يابنى ايه الى فى دماغك 
سيف مش عارف يابابا عشان كده جيت لحضرتك 
اشرف بتفكير بص ياسيف الموضوع ده ملوش غير حل واحد 
سيف ايه هو 
اشرف انت تصفى شغلك هناك وتجيب بنتك وتيجى على مصر 
سيفقصدك نقفل الشركه هناك
اشرف لأ سلم الشغل لعمك عصام وهو يديره وانت تتبعه من هنا وهات بنتك وتعالى عيش معانا خلى امك تربيلك بنتك بدل المربيات وان كان عل الشغل فانا مستعد اوضبلك الدور الى فوق تفتحه فى مجال تخصصك فى الديكور يعنى تساعدنى هنا فى الشركه وتعمل الحاجه الى بتحبها فى نفس الوقت 
سيف مفكرا والله فكره مش بطاله بس ريهام 
اشرف مالها ريهام ... ريهام مش فارق معاه على كلامها عير الشكل الاجتماعى خلاص لما يبقى فيه مناسبه ابقى روح وكملها الشكل الاجتماعى بتاعها ولو على كارما مش هتفرق معاها ان كانت هنا ولا هناك 
سيف صح يابابا عندك حق انا كنت عارف انك الى هتحل لى مشكلتى 
اشرف يابنى ربنا يحللك كل مشاكلك ويبعد عنك كل شر ياله قوم نروح نتغدى دى مامتك هتفرح اوى بيك وانا من بكره هخليهم يجهزولك المكتب الى جمبى تشتغل فيه لحد ماتوضب مكتبك على مزاجك 
سيف ماشى يابابا ربنا يخليك ليه 
خرج سيف ووالده متجهين الى منزلهم  
ضائعه في قلب ميت
عاد سيف الى بيته واستقبلته والدته بترحاب شديد واعدت له ما لذ وطاب من الاطعمه التى يحبها وعلى مائدة العشاء
رجاءكلى ياحبيبى والله انا ما مصدقه نفسى انك هنا معايه .وحشتنى اوى ياسيف
سيفوانتى كمان والله ياماما معلش عارف انى مقصر بس خلاص هجيب كارما ونيجى نقعد معاكى علطول
رجاء ايه تجيب كارما وتيجوا هنا ايه الى حصل ياسيف فيه ايه يابنى
سيف بسخريه منور بصحابه ياماما
رجاءمش قصدى يابنى ده بيتك بس انت قلت انت وكارما طب وريهام ... تكونش اتط....
اشرف مقاطعا ماخلاص يارجاء مش وقته
سيفبعد اذنك يابابا د ه وقته ماما لازم تعرف كل حاجه بس قبل ما أحكيلك توعدنى انك ماتزعليش نفسك لان انا عن نفسى فرحان جدا بالى حصل وحاسس انه خير كتير ربنا كان شيلوا لى
رجاءحاضر يابنى بس قولى وريح قلبى
سيف حكى لوالدته ما حدث واخبرها عن اقتراح والده وكيف انه اقتنع به وسينفذه على الفور
رجاءياحبيبى يابنى كل ده شايله لوحدك كل السنين دى ولا اشتكيت بس والله انا قلبى كان حاسس
سيف عارفه يا امى انتى الوحيده الى ما خدعتكيش ريهام ببرائتها الكدابه كنتى دايما تقولى ما بحبهاش ومش مرتاحلها بس انا