رواية ضائعة في قلب مـيـت كاملة الجزء الأول كامل من الفصل الأول إلي الفصل الثلاثون

معاها ست ده افضل لها وان كان على كارما فهدى الشغاله هتاخد بالها منها لغاية بس مانرجع ونشوف هنعمل ايه 
سيف ماشى يابابا ابعت ماما 
اشرف ماشى هظبط الدنيا واكلمك 
وبالفعل قام اشرف بالاتصال بالحاج محمد خال ديما وابلغه الخبر واتفق على فتح التربه وعمل الاستعدادات لتشييع الجنازه فى الغد بعد الصلاه عليه فى احد المساجد هناك وبعد اعداد الترتيبات ابلغ سيف ليبلغ ادارة المستشفى لتجهيز الجثمان غدا صباحا 
وصلت والدة سيف للمشفى ودخلت غرقة ديما ووجدت سيف ابنها جالس بجانبه 
رجاء بصوت منخفض سيف 
سيفوقد انتفضماما محستش بيكى 
رجاءمعلش ياحبيبى مانا دخلت براحه عشان مقلقهاش هى عامله ايه دلوقتى 
سيف وهو ينظر لديمازى ماهى ياماما الدكتور قال يستحسن انها تفضل نايمه لحد بكره 
رجاءطب ياله ياحبيبى قوم روح يادوب تلحق تناملك ساعتين وراك سفر الصبح 
سيف طب افضل معاكى شويه 
رجاءيابنى ملوش لازمه روح انت وماتقلقش 
سيفماشى ياماما ولو حصل حاجه كلمينى وانا اخدت رقم الشغاله الى عندهم هكلمها بكره تحضرلها شوية هدوم وحاجات وهجيبهالك وانا جاى 
رجاءماشى يابنى 
خرج سيف من المشفى وذهب الى منزله ولكنه لم يستطيع ان ينام لانه كان قلق على ديما حتى اتى الصباح وذهب ال المشفى لينطلقوا من هناك الى المنصوره فعلم من والدته انها مازالت نائمه 
انطلقوا كلا من ضياء واشرف وسيف الى المنصوره واستقبلهم هناك اهل البلده وتم دفن مصطفى فى مدافن اسرته وهناك قابل سيف خال ديما واكتشف انه قعيد فعلم ان ديما بالفعل اصبحت وحيده فقريبها الوحيد لا يمكن ان يعولها 
بدأت ديما تفتح عينها فقامت السيده رجاء من مكانها صباح الخير ياحبيبتى 
ديما حضرتك مين 
رجاءانا رجاء مامة سيف 
ديمااه سورى ياطنط انا شفتك فى معازى مامى بس كان من زمان اوى 
رجاءمعلش ولا يهمك
ديما ببكاء ودلوقتى معازى بابى 
رجاء اخدت ديما وظلت تهدهدها وتقرأ بعض ايات القران حتى هدأت 
رجاءبصى يابنتى العياط مش هيفيده ايه رأيك تاخدى المصحف تقرأيلى شوية قرآن هو ده الى محتاجه 
اخذت ديما من رجاء المصحف وبدأت بتلاوة ايات من القرآن وبالفعل هدأت ظلت معها السيده رجاء طوال اليوم تحكى لها عن اشياء مختلفه وعن كارما ابنت سيف وعن سيف وهو صغير وبالفعل الحديث خفف عن ديما كثيرا 
ديما طنط انا عايزه اخرج من المستشفى المستشفيات بتتعبنى 
رجاء اه طيب بس هسأل الدكتور 
ديما طنط هما خايفين لموت نفسى وانا مش هعمل كده انا عرفت ان ده يعتبر كفر وربنا بيغضب على الى بيعمل كده فأنا مش هعمل كده 
رجاء طمنتينى ياحبيبى خلاص انا عندى اقتراح 
ديماايه هو 
رجاء نخرج من هنا بس تيجى معايه الفيلا 
ديما ايه .. ليه 
رجاء انسى مش هسيبك تقعدى فى البيت لوحدك .. انتى تيجى تقعدى معانا لغاية لما اخوكى يجيى ... ها ايه رأيك .
الفصل السابع


ذهبت ديما الى غرفة ضياء بعد ان ابدلت ملابسها الى ملابس سوداء عباره عن بنطلون جينز اسود ضيق وتر شيرت اسود عليه رسومات باللون الرمادى وجمعت شعرها بشكل ذيل حصان ليبان وجهها الشاحب والذى كان برئ وشفاف . 
ديماازيك ياضياء
ضياءانا تمام 
ديمامعلش تعبتك معايه اليومين الى فاتوا 
ضياءماتقوليش كده انتى اختى الصغيره 
ديماربنا يخليكى سلم لى على رانيا وجودى بنتك 
تفاجئ سيف ان ضياء متزوج ولديه ابنه ولا يعلم لماذا هذا الخبر اسعده ووجد نفسه يقول ههههه انت متجوز مش تقول ياراجل حلو اوى سلم لى المدام 
ضياء مستغربانعم 
انتبهى سيف لما قاله وكيف كل من فى الغرفه ينظر له فقد اصبح فى موقف لايحسد عليه 
سيف محرجا احم .. هات الشنطه ياديما وانا هستناكم فى العربيه ادام المستشفى _________________
انطلقوا كلا من سيف ورجاء وديما الى منزل سيف كانت رجاء تجلس بجانب أبنها وديما بالخلف وظل سيف طوال الطريق يرمق ديما بالنظرات من المرآه الاماميه ولكنها كانت فى عالم اخر ولا تشعر بأى شئ من ما يحدث حولها .____________
ديما كانت تفكر فى حياتها وكيف انها فقدت كل من تحبهم فى الحياه أبتدأ الحال معها بأمها ثم ادهم وانتهى الأمر بوالدها هل من الممكن ان يكون هذا قدرها فى الحياه ان تفقد دائما من تحبهم افلتت منها تنهيده جذبت انتباه سيف اليها من المرآه فنظر لها وهى ايضا نظرت له وابتسمت وكأنها تطمأنه فأزاح عينه وواصل اهتمامه بالطريق امامه كان الصمت يسود السياره عندما قطع صوت هاتف سيف هذا الصمت فنظر للمتصل فعلم انها أبنته فرد على مكبر الصوت فى السياره 
سيفأيه قلبى 
كارمابابى انت فين وفين نانا 
رجاء انا اهو ياحبيبتى احنا فى مشوار وجايين مع بعض علطول ع البيت 
كارمامش حضرتك وعدتنى انك مش هتغيب تانى عنى انا من امبارح مش شوفتك 
سيفسورى ياحبيبتى كان عندى مشوار ضرورى سامحينى آخر مره 
كارما اوك يابابى انا هستناك نتعشى سوا وهنشرب هوت شيكولت سوا 
سيف مشمئزااللله ده خبر تحفه انا جى بسرعه عشان اشربه 
كارماماشى انا هخلى هدى تحضر العشاء سوق على مهلك 
سيفماشى ياروحى 
بعدما اقفل سيف الهاتف مع ابنته 
سيفاعمل انا ايه دلوقتى 
رجاء فى ايه يابنى 
سيففى البتاع الى عايزه تشربهولى ده انا مبحبوش 
رجاءههههه طب ماتقولها 
سيف ممثلا الخوف انا لا ده ساعتها تعملى محاضره وتقولى ماينفعش نقول على حاجه منحبهاش 
رجاء خلاص اشرب بئه 
سيف بتمثيل البكاءهشرب 
وصلوا الى المنزل كان عباره عن فيلا من طابقين حجمها كبير وبها حديقه كبيره ومحاطه بسور يفصلها عن الخارج ادخلهم الحارس واستقبلتهم كارما 
كارمابابى 
سيفحبيبتى وحشتينى 
نظرت كارما الى ديما وكأنها تستفسر عنها 
نزلت ديما على ركبتيها لتكون بمستوى كارما ازيك انا ديما وانتى كارما صح 
كارما بتحفظاها 
ديماطب ايه مش هتسلمى عليه 
كارما تشبثت بقدم سيف رافضه التقدم بأتجاه ديما 
سيفايه ياكارمامش هتسلمى على طنط عيب كده 
كارماهى مين دى انت مقولتش انك هتجيب حد معاك غير نانا 
سيفدى دى تبقى بنت صاحب جدو 
كارما وجايه هنا ليه 
كاد سيف ان ينهر بنته على تصرفها ولكن ديما منعته 
ديمامفيش مشكله يابشمهندس ونظرت لكارما انا كنت تعبانه شويه ونانا رجاء قالت لى تعالى تقعدى معايه عشان تاخد بالها منى 
كارماطب وليه مامتك او باباكى مش ياخدوا بالهم منك 
ديما بحزن عشان هما ... ماتوا راحوا عند ربنا 
كارما اها طب ياله يابابى عشان نتعشى 
ركضت كارما امامهم ووقف سيف امام ديما ديما انا اسف بس كارما متحفظه شويه مع الناس الغرب فأرجوكى ماتزعليش منها 
ديمامفيش مشكله هى فى الأخر طفله 
سيفطب ياله 



كانت مائدة الطعام مرصوصه بعنايه وعليه جميع مالذ وطاب ولكن ظلت كارما تتذمر لعدم وجود برجر او فرايز 
كارماانا عايزه برجر ومعاه فرانش فرايز 
رجاءمش احنا قلنا نقلل من junk food
كارمابس يانانا انا بحبهم ومتعوده اتعشى كده 
وهنا تدخلت ديماطب ايه رأيك نعمل البرجر فى البيت ولو على الفرايز مقدور عليها 
كارمابجد تعرفى تعمليه 
ديمااه بعرف وهيطلع احلى من بتاع بره 
كارماطب ياله نعملوا دلوقتى 
رجاءكارما ماينفعش ديما تعبانه 
كارماماهى الى قالت 
ديماخلاص ياكوكى بصى كلى الاكل ده انهارده وبكره وعد نعمل برجر وفرايز وكل الى نفسك فيه 
كارما بفرح هيييييه 
اكلوا بعدها فى صمت ثم استأذنت رجاء لتذهب لغرفتها لتتفقد اشرف الذى كان نائم متعب من السفر واستأذنت انها ايضا متعبه وتريد ان تنام وعرفت ديما ان غرفتها بالطابق العلوى الذى فيه غرفة سيف وديما وان الغرفه جاهزه بأنتظارهم . 
كارماياله ياهدى هاتى الهوت شوكلت بتاعى وبتاع بابى 
سيفاه بسرعه ياهدى لحسن انا مستعجل اوى ونظر لديما وكأنه يخبرها ان تنقذه 
ديما وقد فهمت قصد سيف اه صحيح انا عايزه شاحن عشان الفون بتاعى فاصل ممكن 
سيفاه انا هجيبلك لتاعى ثوانى هطلع اجبهولك 
كارماطب والهوت شوكلت يابابى 
ديماممكن انا اشربك انا معاكى ياكوكى وبابى يجيبلى الشاحن 
كارما اه اوك 
صعد سيف مسرعا الى غرفته مقررا انه لن يخرج منها الا صباحا اوحتى نفاذ كمية الهوت شوكلت من المنزل.
شربت ديما وكارما سويا الهوت شوكلت وظلوا يتحدثوا سويا قليلا وبعدها اصطحبتهم هدى للطابق العلوى لترى ديما غرفتها 
هدى دى اوضتك ياست ديما ياله ياكارما عشان تنامى 
كارما اه اوك بونوى يا أنطى ديما 
ديما بونوى يا كوكى واه ممكن تقولى لى دي ديما بس مش احنا بقينا صحاب 
كارماطب خلاص انا هقولك يادودى حلو 
ديماالله طبعا ينفع تقولى لى الى انتى عاوزاه 
ذهبت كارما الى غرفتها ودخلت ديما الى غرفتها وفتحت الحقيبه كانت جميله قد اعدت لها كل ماتحتاجه من هدوم سوداء التى كانت متوفره كثيرا لديها بحكم انها كانت لفتره قصير ه لاترتدى سواه منء وفاة زوجها وايضا دميتها المفضله التى كانت تنام تحتضنها لانها اول هديه من ادهم لها وايضا بيجامتها المفضله واخيرا صوره لادهم كانت دائما موجوده بجانب سريرها اخرجت الصوره وقبلتها ثم وضعتها جمبها واخذت بيجامتها القطنيه ودخلت الحمام المرفق بالغرفه وغيرت ملابسها وكانت ستذهب الى السرير ولكنها وجدت الملايه عليها تطريز لذلك قررت ان تنزعها وتقلبها الى الجانب الآخر وبالفعل نزعتها ولكن كان هناك طرق على الباب لذلك تركتها وذهبت 
فتحت ديما الباب وفوجئت بوجود سيف ارتبكت ديما من منظر ملابسها فهى لم تكن تتوقع انه هو ولذلك فتحت وهى ترتدى بيجامتها القطنيه التى كانت عباره عن بنطلون بيرمودا وبلوزه باكمام قصيره وكان لونها ابيض وعليها ورود باللون الزهرى 
ديما بارتباك ب!شمهندس سيف 
سيفاممم هو بعينه .. الشاحن 
ديما ببلاهه ماله 
سيفانا جبتلك الشاحن 
ديما اه طب شكرا 
نظر سيف للغرفه فوجد ان السرير غيى مرتب والمخدات بالارض 
سيفهو فى ايه بيحصل عندك جوه 
ديمااه مفيش حاجه 
سيفطب وسعى انتى ماسكه الباب كده ليه 
ديما وقد نظرت الى ملابسها اصل يعنى 
تتبع سيف نظر ديما وعرف مقصدها فأزاحاها عن طريقه 
سيف اوعى ياديما مكسوفه من ايه ده بنطلون البيجامه الى انتى لابسه اطول من الجيب الى بتيجى بيها الشغل 
ديما وقد فتحت فمها ها 
سيف اه والله قولى لى بئه شايله الملايه ليه عملتى فطيره صح 
ديمافطيره يعنى ايه 
سيفيعنى عملتى بيبى صح ماتتكسفيش منى انا زى باباكى 
ديماايه الى انت بتقوله ده 
سيفامال بتشيلى الملايه ليه 
ديمادى عشان 
سيفياديما ماتتكسفيش كلنا عملناها على نفسنا واحنا صغيرين 
ديمابس انا مش صغيره 
سيفوالله بعد البيجامه دى اشك 
ديمانعم 
سيف وقد ضرب بيده على جبهته اه بس الهوت شوكلت 
ديماماله 
سيفاكيد رجعتى ع الملايه مكنش لازم اسيبك تضحى بنفسك وتشربيه 
ديماعلى فكره انا بحب الهوت شوكلت ولو انت استنيت وبطلت استنتاجاتك الغريبه دى هقولك انا شيلت الملايه ليه 
سيفطب قولى غلب حمارى 
ديماعشان الملايه عليها تطريز 
سيف مانا عارف كل ملايتنا عليها تطريز ماما الى بتطرزهم ايه مش عجبك التطريز 
ديمالأ هو تحفه بس المشكله عندى انا اصل لما بنام على حاجه مطرزه بتعلم فى جسمى 
سيف امممم.... انحرفت نظراته فى اتجاه ذراعها العارى 
اه عشان كده طب تعالى اساعدك 
ديما مفيش داعى 
سيفتعالى بس عشان تخلصى بسرعه اكيد عاوزه تنامى 
ساعد سيف ديما فى فرش السرير وفوجئ بوجود صوره فى برواز بجانب السرير امسكها 
سيفده ادهم 
ديمااها 
سيفوسيم 
ديما اها 
سيفبس شاكله صغير 
ديمادى قبل مايتوفى بسنه 
وضع سيف الصوره 
سيفخدى الشاحن اكيد زمان اخوكى اتصل بيكى كذا مره 
ديما اه ماشى شكرا 
سيف تصبحى على خير ياديما 
ديماتصبح على خير يابشمهندس 
سيفديما ممكن اطلب منك طلب 
ديمااه اكيد 
سيفممكن تبطلى كلمة يابشمهندس 
ديمااه ازاى مش هعرف وبعدين انت رئيسى فى الشغل مايصحش اقولك غير كده 
سيف ياستى احنا هنا فى البيت لما نكون فى الشغل قولى الى انتى عاوزاه لكن هنا لأ 
ديماامال اقولك ايه 
سيفسيف .. سيف بس 
ديمامش هعرف 
سيف بصوت منخفض قولى ورايه س ي ف 
ديما وقد توترت اه طب ماشى هشوف 
سيف وقد ادرك توترها ورأى حمرة الخجل التى اعتلت وجنتيها فقرر ان يتوقف براحتك ياديما ... تصبحى على خير .__________
بعدما خرج سيف من الغرفة نامت ديما كانت ديما تعتقد انها لن تنام سريعا بسبب تغيير المكان والاحداث الكثير ه التى حدثت ولكن بالعكس فما أن رأسها لمس الوساده حتى نامت بعمق وحلمت .... حلمت حلم غريب حلمت بأدهم يقف فى ممر طويل وكلما اقتربت منه طالت المسافات اكتر وبعد عناء وصلت اليه ولكن بدل من يأخذها فى احضانه دفعها بعيدا وهو يبتسم ظلت تحاول ان تذهب اليه وفى كل مره تصل فيها يدفعها بعيدا اكثر .

بعد هذا الحلم استيقظت ديما مفزوعه والعرق يتصبب منها واحتارت فى سر هذا التصرف الغريب ولكنها فى النهايه لم تعطى الامر اهميه فهو فى النهايه حلم وليس حقيقه تنهدت وقامت وسحبت هدوم نظيفه ودخلت الى الحمام واخذت دوش بارد ليخفف من حرارتها وارتدت ملابسها السوداء وبعدها خرجت من الغرفه وسرحت شعرها كانت تعانى من صداع حاد وعرفت ان ذلك بسبب اعتيادها على شرب القهوه لذلك قررت ان تنزل الى المطبخ فلا ضرر من توجهها بمفردها الى هناك وعمل فنجان قهوه للتخلص من صداعها 

ذهبت ديما الى المطبخ وفوجئت بوجود هدى مستيقظه 

ديماانتى صاحيه ياهدى 

هدى صباح الفل ياست ديما اه احنا متعودين نصحى من بدرى الست هانم والبيه الكبير حتى كارما الى بيتأخر ساعات سى سيف 

اضطربت ديما من سماع اسم سيف ولا تعلم لماذا فبعد وجوده امس فى غرفتها وخروجه شعرت بمشاعر غريبه مزيج من السعاده والخوف ولا تعلم سبب لأى من هذه المشاعر .

ديماطب ياهدى وحياتك انا عايزه فنجان قهوه من غير سكر 

هدىكده من غير أكل ثوانى واحضرلك احلى فطار

ديمالا والنبى ياهدى انا مصدعه جدا ونفسى فى قهوه ممكن بعدها افكر فى الفطار ماشى 

هدى عينى ياست ديما اتفضلى حضرتك على الجنينه هتلاقى كارما بتفطر هناك وانا هجبلك القهوه عل هناك 

ديماماشى ياهدى شكرا 

ذهبت ديما الى الحديقه ووجدت كارما تأكل فطورها

ديماصباح الخير عل البنات الشاطرين الى بياكلوا كل فطارهم 

كارماصباح الخير يادودو افطر وتلعبى معايه 

ديماامممم مادام هتاكلى كل طبقك طبعا هلعب معاكى يا احلى بنوته 

وصلت القهوه وعلمت ديما من رائحتها انها وصلت فالتفتت متوقعه هدى ولكنها تفاجئت ان سيف هو من يحملها 

سيفصباح القهوه الى انا تقريبا كده ضيعت وشها 

ديماممم مفيش مشكله مابيفرقش معايه الوش او ى 

مدت ايديها لتأخذ القهوه ولكنه أبعدها عن مجال يديها 

سيف فطرتى 

ديماتؤ بس سبنى اشرب القهوه دماغى هتتفرتك من الصداع 
سيف عشان مابتاكليش حلو 
ديمابليييز عشان خاطرى أدهالى ياسيف 
سيفايه يا ايه قولت ايه 
ديما بخجلالقهوه 
سيفمش قبل ما اسمع اسمى تانى 
ديما وقد شعرت بالغضب فقامت ونهضت من مكانهاخلاص مش عايزه 
سيفخلاص خلاص انت هتتقمصى زى العيال خدى القهوه
جلست ديما تشرب القهوه وتفاجئت بكارما التى قالت بكل تلقائيه بابى انت وحش 
سيفايه ليه كده ياكارما 
كارماعشان بتضايق دودى 
سيفدودك مين دودك ده 
ديما احم انا كارما بتدلعنى وتقول دودى والتفتت سريعا لكارما قبل ان يرد ماينفعش ياكوكى حد يقول عل بابى وحش تؤتؤ يبقى naughty فلازم كارما تعتذر من بابى وتقوله أسفه .
لدهشة سيف انصاعت كارما لكلام ديما وبالفعل تأسفت لوالدها وبعدها قامت هى وديما ليلعبوا بالكره .
ظل سيف يفكر ان كارما بدأت تتعلق كثيرا بديما ورغم تحفظها مع الغرب الا انها تعاملت معها بطريقه مختلفه وأحبتها فى مده قصيره لذلك دق ناقوس الخطر محذرا أياها ديما ليس فى قلبها مكان لأحد لقد قررت ان تغلق على نفسها لذا تعلق كارما بها لن يسبب سوا المتاعب لابنته وهو قد عاهد نفسه من اليوم الذى ترك فيه الغردقه وريهام انه سيحاول أسعاد كارما بأى شكل وسيحاول جاهدا ابعاد الحزن عن قلبها لذلك اتخذ قراره _______
جاءت رجاء ومعها هدى بصنية الفطور صباح الخير ياسيف 
سيف صباح الخير ياماما 
نظرت رجاء الى حفيدتها وهى تلعب مع ديما والله ديما شاطره قدرت تخلى كارما تتعلق بيها وتحبها بسهوله 
اذن فقد لاحظت والدته ما لاحظه لذلك عقد العزم على مفاتحة ديما فى الامر 
سيف مناديا بصوت عالى ديما 
لوحت له من بعيد قائله بصوت عالى مش جعانه 
سيف عايزك دقيقه تعالى 
اتت ديما من بعيد وجهها محمر من الركض ومن الواضح انها فقدت رابطة شعرها لذلك تحرر شعرها الحريرى منسدلا على ظهرها كانت بأختصار تمثل الجمال بكل ماتعنيه الكلمه من معنى فى هذه اللحظه .
ديمافى حاجه 
سيفتعالى نتكلم فى اوضة المكتب بعد اذنك ياماما
ذهبت ديما مع سيف وهى مستغربه من طريقة كلامه معها فهى تختلف عن الطريقه التى كانت يتحدث بها معها من قليل دخلوا الغرفه واغلقوا الباب .



سيف اقعدى ياديما 
ديماهو في ايه انا قلقت 
سيفديما انا عايزه اتكلم معاكى فى موضوع بس اتمنى انك ماتزعليش منى 
ديماانت كده قلقتنى اكتر 
سيفهقولك ياديما بس توعدينى ان الى هقولهولك ميأثرش على وجودك هنا وزى ما اتفقتى مع ماما مش هتمشى الا لما اخوكى يجى 
ديما وقد انتابها القلق ماتقول علطول ياسيف ايه لازمتها المقدمات دى 
سيف اوعدينى الاول 
ديماوعد 
سيفديما انا عايزك تبعدى عن بنتى كارما 
ديماايه مش فاهمه 
سيف متنهدايعنى مش عايز يكون علاقتك بيها قويه يعنى لاتلعبى معاها ولاتتكلمى معاها يعنى يكون التعامل فى اضيق الحدود
ديماممكن اعرف السبب 
سيفانا عايز كده 
ديما بتحدى اسفه ماتعودتش اعمل حاجه عشان حد عاوز كده انا بعمل الحاجه عشان انا عاوزه كده 
سيف يعنى بتتحدينى 
ديماليه بتسميها تحدى سميها انى معنديش سبب عشان ابعد فبالتالى مش هبعد 
سيفبنفاذ صبرطب بصى ياديما انا هريحك كارما مابتقبلش حد بسهوله بس لو حبيت حد بتتعلق بيه ولو بعد عنها بتزعل اوى وبتضايق وانتى هتبعدى اكيد ساعتها الخسران فى الموضوع ده هى كارما قلبها هيتوجع وانا الصراحه مش عايز ده لبنتى 
هبت ديما واقفه من مكانها والله مسألة انى ابعد عن كارما او اخرجها من حياتى مسأله انا وحدى الى اقررها انت مشفتنيش بعدت عنها او نسيتها بمجرد انى روحت بيتى بس مدام انت قلت انى هبعد يبقى معنى كده انك انت الى عاوزنى اخرج من حياتها رسالتك وصلت يابشمهندس واسفه لو كنت تعدت حدودى فأنا فى الآخر غريبه .. عن أذنك
خرجت ديما من الغرفه وصعدت الى غرفتها وعندما رأتها رجاء ذهبت الى ابنها سيف
سيفنعم ياماما 
رجاءفى ايه يابنى ديما خارجه وشكلها معيطه قلت لها ايه زعلها 
سيفمفيش ياماما 
رجاءقلت لها ايه ياسيف 
سيف مفيش ياماما قلت لها تبعد عن بنتى 
رجاءايه ليه يابنى 
سيفعشان هى هتمشى ... عشان هى غريبه ..عشان هتعلق بنتى بيها وتسيبها .. عشان مش عايز اكسر بقلب بنتى لما تهملها ومتسألش عنها
رجاءومين قالك انها مش هتسأل عنها بس يابنى ده ديما طيبه وبنت حلال يعنى ..
سيف مقاطعايعنى ايه ياماما هى فى الاخر ليها حياتها مش فاضيلنا هي
رجاءهى فين حياتها دى يابنى وبعدين تعالى هنا انت مش كنت عايز تتجوزها منين عايز تتجوزها ومنين بتعتبرها غريبه 
سيف متفاجئ انتى عرفت منين هى قالتلك 
رجاءلأمش هى بس عرفت وخلاص 
سبفماما دى كانت فكره جت كده كنت عايز اطمن الراجل الى بيموت ان بنته مش لوحدها بس ان قلت لك قبل كده انا مش هتجوز تانى 
رجاءليه يابنى ده ديما بنت حلال وطيبه ومش زى ريهام 
سيفبس نسيتى اهم حاجه ياماما انها لسه بتحب جوزها 
رجاءوجوزها مات ياحبيبى تقدر انت بسهوله تنسيها حبه 
سيفتفتكرى ياماما انا لسه فيه طاقه احارب تانى ماما انا تعبت عشت مع ريهام سبع سنين كل يوم بحارب عشان ترجع ريهام تحبنى زى الاول وفى الاخر طلعت بالنسبه لها هوا .. شكل اجتماعى تفتكرى بعد الى عيشته ده لسه فيه طاقه احارب مع ديما عشان تحبنى وهى اصلا قلبها مشغول بغيرى لا ياماما انا خلاص الى فى حياتى بنتى وبس ومش عايز حد يفاتحنى فى موضوع الجواز تانى وطول ما ديما هنا ياريت تفضل بعيد عن بنتى ...
خرج سيف من الغرفه واتجه الى الخارج وركب سيارته لايعلم الا اين يذهب ولكنه كل مايعرفه انه قد قام بالشئ الصحيح لن يسمح لأحد .ان يدخل الى عالمه الصغير المكون منه ومن ابنته فقط ..______
الفصل التاسع


اشرفوالله الى اعرفه الى بيحب حد يحارب عشانه مش يستسلم ويبعده 
رجاءماتنساش يا اشرف ان سيف عاش حياته كلها مع ريهام يحارب عشان تحبه فخلاص تعب لازم برضو نعذوروا 
اشرفخلاص سبيهم ابنك مش صغير وعارف مصلحته ولو لى نصيب فى ديما هياخدها .
رجاءيارب يجعله نصيب فيها يارب .__________
بعد مجادلة ديما مع سيف صعدت الى غرفتها وانتبهت انها لم تفتح تليفونها بعد شحنه فتحت الهاتف ووجدت رسائل كثيره من أخيها وشيرين جارتها ومى وداليا اصدقاء طفولتها من المنصوره .
اتصلت ديما بأخيها الو ياسر 
ياسر بلهفهالو ديما انتى فين ياحبيبتى قلقتينى عليكى 
ديمااطمن ياياسر انا كويسه انا عند انكل اشرف صاحب بابا 
ياسرضياء قالى مانا اخر ماتعبت كلمته عشان اطمن عليكى 
ديماهما صمموا يخدونى لغاية لما تيجى هو انت هتيجى امتى 
ياسربعد بكره الصبح انا خلاص حجزت التذكره 
ديمالسه بعد بكره 
ياسرمعلش ياحبيبتى انا عارف انى قصرت معاكى والمفروض اكون موجود من بدرى بس ظروفى كده مكنش ينفع أسيب الولد وانا ماصدقت لقيته له قلب يتوافق أنسجته معاه ولازم بعد العمليه كنت افضل شويه عشان اطمن على حالته 
ديماماشى ياحبيبى مفيش مشكله بس المهم متتأخرش عن بكره 
ياسر لا ياحبيبتى بكره هكون عندك 
ديماماشى هستناك سلام 
بعدما انهت المكالمه مع سيف اتصلت بشيرين 
شيرين جارة ديما منذ سبع سنوات متزوجه من احمد ولديهم ولد مروان 6 سنوات يعشق ديما 
شيرين وأخيرا يابنتى انا خلاص كنت هتجنن
ديمامعلش ياشيرى غصبن عنى 
شيرينانا من ساعة ماسمعت الخبر من جميله وانا هتجنن عليكى انتى فين 
ديماانا عند انكل اشرف صاحب بابا 
شيرين طب ليه 
ديما لما اشوفك هحكيلك 
شيرين ماشى ياحبيبتى المهم انى اطمنت انك بخير هتيجى امتى 
ديمابكره ان شاء الله عشان ياسر هيجى بعد بكره 
شيرينخلاص اشوفك بكره سلام 
ديما سلام 
بعدما اغلقت ديما الهاتف مع شيرين اتصلت بمى صديقة طفولتها من وقت ماكانت فى المنصوره 
مى فتاه جميله وعيونها عسليه وشعرها بنى ناعم ولكنها دائما تغطيه بحجاب خريجة حقوق وتعمل لدى محامى خطبت مره ولم تكتمل الخطبه وبعدها قررت ان تؤجل اى ارتباط وتتأنى فى أختيارها 



وبعد مى اتصلت بداليا داليا ايضا صديقة ديما من المنصوره ذات جمال عادى متزوجه من ابن عمها عمر وبعد سنتين من الانتظار الان هى حامل بعملية حقن مجهرى
اخبرت مى ديما انها ستسافر القاهره لتعزيها فى الاسبوع القادم واعتذرت لها داليا لظروف حملها الصعبه ومنع الطبيب الحركه لها.
صداقتهم كانت منذ الطفوله ورغم سفرديما استمروا بالاتصال ببعض واى منهم تنزل الى القاهره تقابل ديما وعندما تسافر ديما الى المنصوره تزورهم .
بعد ما انهت ديما مكالمتها شعرت ان نفسيتها تحسنت وشعرت انها ليست وحيده وقررت انها ستبعد ليس فقط عن كارما بل عن كل مايخص عائلة سيف سيكون علاقتها بهم مهنيه بحته حتى تنتهى فترة عملها وهى ال شهور او حتى ينتقل سيف الى شركته فى الطابق العلوى .
ظل سيف يعمل على التخطيطات والتصاميم ووضع تخيل مبدئى لشكل الشركه وديكوراتها وبعدما شعر بأنه تعب فقرر ان يتوقف ولكنه فوجئ بمرور الوقت وعلم انه ظل يعمل لاكثر من خمس ساعات بدون أكل قرر انه سيتوقف ويذهب لأى مطعم يأكل فيه وبعدها سيذهب لصديقه مازن فهو لايريد العوده الى المنزل الان .
توقف سيف فى احد المطاعم وبعدما انهى وجبته اتصل على صديقه مازن .
سيفالوو مازن 
مازنايه ياعم فينك 
سيفانت الى فين دلوقتى 
مازن انا فى البيت شويه والبس وانزل 
سيف طب بص انا هروح أغير هدومى وهجيلك على المكان بتاعنا مش انت رايح انهارده 
مازنيابنى انا لاجئ كل يوم
سيفأشطه هخلص واجيلك 
استيقظت ديما من النوم لم تكن تعلم انها نامت فقد غلبها النوم وهى جالسه ذهبت الى الحمام وغسلت وجهها وعدلت ملابسها وقررت ان تنزل فمن غير الممكن ان تظل طوال اليوم حبيسة الغرفه وان كان على سيف وابنته ستتجاهلهم تماما .
كانت تنزل الدرج عندما كان سيف وصل الى اخر درجه فكانوا سيصدموا ببعض امسك سيف ديما من ذراعيها حتى يمنعها من السقوط فنظرت له انا احم مخدتش بالى 
سيفلأ الظاهر انى انا الى مخدتش بالى 
ديمامفيش مشكله بس ممكن تسيب دراعى 
سيف وقد انتبه لنفسه انا .. اسف 
ترك سيف ذراعيها 
سيف بتردد ديما انا مش عايزك تزعلى منى 
ديمابالعكس يابشمهندس انت بتتكلم صح انا فى الاخر واحده غريبه 
سيفانا مش عايزك تاخديها كده انا .....
ديماانت ايه 
سيفانا خايف على كارما 
ديمامنى 



سيفمش منك من ... من الزمن .. من الدنيا الى احنا فيها .. من الناس 
ديماصدقنى مهما حاولت مش هتقدر تحميها من كل حاجه 
سبفديما انتى ماتعرفيش كل حاجه .. انتى ماتعرفيش عن حياتى مع ريهام وعلاقة ريهام بكارما 
ديمالأ معرفش بس بشوف وبفهم ومن الواضح ان فيه مشاكل بينك وبين مراتك بس انت كده بتطلع عقدك على بنتك 
سيفصدقينى الموضوع اكبر من انه خلافات عاديه بتحصل بين اى اتنين ... تنهد ومرر يديه فى شعره حركه تدل على توتره ديما ريهام مكنتش عايزه تخلف كارما وانا غصبت عليها ولما حملت فيها كرهتنى عشان انا غصبتها عليها وكرهت كارما لانها مكنتش عايزاها من الاول 
ديما ايه معقول 
سيفمش كده وبس علاقتى بريهام تعتبر مقطوعه من يوم ما كارما جت الدنيا ريهام عمرها ما اهتمت بكارما او لعبت معاها او عملت لها اى حاجه ممكن اى أم تعملها لبنتها عشان كده انا خايف النقص الى عندها ده لما تلاقيكى انتى مكملاه ليها تتعلق بيكى وتحبك وساعتها هتتعب اوى لو سبتيها . 
ديمابس دى طفله مش هتقدر تقولها حبى مين وماتحبيش مين سيبها تتعلق بالناس ويسبوها هتزعل شويه بس هتتعلم لازم كده مش هينفع تختارلها انت الناس الى تدخل فى حياتها هتعلمها يبقى معندهاش شخصيه .... صدقنى ساعات الوجع بيعلم .
سيف شكلى كده اتعقدت وهعقد بنتى معايه 
ديمالا ولا هتعقدها ولا حاجه انت بس بتحبها اوى 
سيف وهو ينظر لها نظره لم تفهم معناهااوى بحبها اوى 
ديماربنا يخليهالك على العموم من ناحيتى ماتقلقش انا ماشيه بكره عشان ياسر جاى بعد بكره 
سيف بسرعه كده 
ديماكده أحسن 
سيف بحزن ماشى ياديما .
بعدما ذهب سيف الى غرفته ظلت ديما تنظر له لاتعلم غاضبه منه او عليه هل فى الحقيقه يرى ان خروجها من حياتهم افضل هل كانت تتمنى ان يخبرها انه لايستطيع ان يستغنى عنها وهنا انتبهت لافكارها هل بالفعل هى متمسكه بكارما لانها احبتها ام لانها ..... 
نفضت ديما افكارها .. وظلت تردد وكأنها تقنع نفسها .. انا بحب كارما ..هى صعبانه عليه عشان ظروفها زى ظروفى .
عندما نزلت ديما للاسفل وجدت اشرف ورجاء يشاهدون التلفزيون ومعهم كارما القت عليهم السلام وجلست معهم 
رجاءكل ده نوم 
ديماتقريبا تأثير الدوا لسه شغال ... على فكره ياسر هيجى بعد بكره 
اشرف طب كويس يابنتى 
ديماانا همشى بكره 
رجاءليه يابنتى ماتستنى لما يوصل 



ديمامعلش ياطنط كده هكون مرتاحه انا وعدته اكون مستنيه فى البيت 
رجاءمش عارفه اقولك ايه يابنتى 
ديماماتقوليش ياطنط كتر خيركم لحد كده 
كارما