رواية ضائعة في قلب مـيـت كاملة الجزء الأول كامل من الفصل الأول إلي الفصل الثلاثون

هو انا لما اقولك بحبك يبقى بعقد الامور 
ديما ايوه
سيف ليه
ديما هو ايه الى ليه 
سيف ليه بعقد الامورليه هنتطلقليه مانكملش مع بعض
ديما عشان احنا متفقين 
سيف اتفاق ورجعنا فيه مين هيحكمنا 
ديما انت الى رجعت فيه انا لسه عند اتفاقى 
سيف يعنى عايزه تفهمينى انك مابتحبنيش بصيلى كده فى عنيه وقولى انك مابتحبنيش
ديما.......
سيف بصييلى قولى ساكته ليه انطقى 
ديما أسكت ياسيف 
سيف لأ مش هسكت ياله قولى 
ديما بغضب اسكت انت ايه مابتفهمش مبحبكش مبحبكش
سيف بهدوء كدابه 
قال سيف هذه الكلمه وخرج من الغرفه 
جلست ديما على السرير لانها شعرت ان قدمها ماعادت تحملها شعرت بدموعها تنهمر على وجنتيها ايمكن ان يحبها وان كان أحبها هل هى تحبه لا هى لاتحبه ولكن بماذا تفسر مشاعر الغيره التى انتابتها مشاعر لم تعهدها من قبل حتى مع زوجها السابق شعرت بالتعب من تحليل هذه المشاعر فقلبها يحدثها انه حب اما عقلها يتحدى قلبها فى ان ينصاع لأوامره ظلت فى هذا الصراع ولم تشعر بنفسها الاوغفت على السرير 
استيقظت ديما على صوت صرير باب الغرفه فأنتفضت من مكانها ولكنها اطمئنت عندما وجدته سيف يدخل الغرفه وملابسه مازالت عليه التى خرج بها ومن الواضح انه كان بالاسفل يشرب لانه كان يترنح 
دخل سيف من الغرفه بخطوات ثقيله حتى وصل الى السرير والقى بجسده علييه وأغمض عينه 
ديما سيف انت هتنام بهدومك
سيف ومازال مغمضا عينه اممممم 
ديما سيف انت شارب 
سيف بسخريه لأ لحيه 
ديما سيف فوق وكلمنى 
سيف لاهو انا بشرب كل ده ده عشان افوق 
ديما انت بتهزر 
سيف ديما بطلى رغى هشششش عايزه انام 
ديما ماشى ياسيف النهار ليه عنين 
سيسف خخخخخخخخخخ
كان سيف قد غطى فى ثبات عميق 
نظرت ديما الى ملامح سيف وهو نائم هل من الممكن ان تكون وقعت فى حبه دون ان تدرى هل تعتبر هذه خيانه 
نفضت ديما افكارها وحركت سيف لينام جيدا ثم خلعت عنه حذائه وشرابه واضطريت ان تنيمه فى طرف السرير وتنام هى فى الطرف الآخر 
ظلت ديما مستيقظه تفكر ولكن سرعان ماحل التعب وغلبها النعاس 
استيقظت ديما صباحا ونظرت جانبها ووجدت سيف كما هو مازال نائما على نفس وضعه فتسللت من السرير بهدوء وسحبت ملابس نظيفه ودخلت الى الحمام اغتسلت ولبست ملابسها وخرجت 
كانت واقفه امام المرآه تمشط شعرها عندما شعرت بسيف يتململ فى نومه ويردد اسمها ابتسمت ديما وخرجت من الغرفه بهدوء وسحبت هاتفها 
هاتفت ديما صديقتها المقربه مى 
ديما الو مى 
مى السلام علييكم ياعروسه 
ديما اسفه وعليكم السلام 
مى اخبار العرايس الحلوين ايه 
ديما الحمد لله 
مى صوتك مبسوطه 
ديما مبسوطه وخايفه 
مى طب قولى لى خايفه من ايه ومبسوطه ليه 
ديما بصى هما الاحساسين سببهم واحد سيف قالى امبارح انه بيحبنى 
مى والله مبارك طب كويس جدا المفروض تكونى مبسوطه ليه خايفه 
ديما حاسه انى بخون ادهم انا وعدته انى مش هحب غيره 
مى لا طبعا انتى بتفكرى ازاى ياديما ياحبيبتى لازم تتقبلى فكرة ان ادهم خلاص مبقاش موجود
ديما ايوه بس
مى مقاطعها مفيش بس انا هديكى مثل صغير الرسول عليه الصلاة والسلام
ديما عليه الصلاة والسلام 
مى كانت لما زوجه من زوجاته بتموت كان بتزوج من غيرها هل معنى كده انه استغفر الله العظيم بيخون ذكراها لأ طبعا بس دى سنة الحياه هو كان بيعلمنا ان الحياه مش بتوقف على موت حد وافضل مثل على كده انه بعد وفاته حياتنا كلنا استمرت مش أولى لو كانت الحياه بتقف لما حد بيفارقها كانت الحياه تنتهى بموته هو سيد الانام 
ديما صح 
مى حبيبتى عيشى حياتك ارمى الماضى ده جوزك حلالك لو مكنتش مشاعرك تتحرك ليه تتحرك لمين 
ديما مش عارفه حاسه انى قلبى مقبوض خايفه احبه ويجرحنى 
مى ديما حبيبتى انتى حبيتى سيف مش لسه هتحبيه 
ديما لأ طبعاانا منكرش انى برتحاله وببقى مبسوطه وانا معاه بس مش لدرجة حب 
مى وده حلو اوى لغاية دلوقتى مش مطلوب منك اكتر من كده فى الوقت الحالى 
ديما يعنى ده رأيك 
مى ده الصح 
ديما طول عمرك انتى يامى الى بتريحينى 
مى ربنا يريح قلبك ياحبيبتى ويبعد عنك كل شر 
ديما اللهم امين على فكره انا عايزه اقبلك لما ارجع مصر عايزاكى فى حاجه مهمه 
مى ماشى ياستى اول ماتنزلى هجيلك 
ديما ماشى سلام 
اغلقت ديما الهاتف وهى تشعر بالراحه نوعا ما فكلامها مع مى أراحها وقررت ان تفعل الصواب وتعطى لقلبها فرصه ودعت الله ان يكون ذلك هو فعلاالصواب 
استيقظ سيف وهو يشعر بصداع رهيب فى رأسها رمش بعينه وتذكر ماسبب الصداع فعلم انه من الشراب فهو بعد كلامه مع ديما نزل الى البار وظل يحتسى الشراب حتى الساعات الاولى من الصباح 
نهض بخطى متكاسله ليزيل آثار البارحه من عليه بدل ثيابه ومشط شعره وخرج من الغرفه وجد ديما جالسه ع الاريكه امام التلفاز تشاهد فيلما أجنبى كانت ترتدى فستان صيفى باللون الوردى بنصف كم وقصير فبدت فيه مثل ورده فى الربيع 
سيف صباح الخير 
التفتت ديما له وللعجب ابتسمت فى وجه صباح النور 
تعجب سيف كيف ان ديما ابتسمت ولم تكن غاضبه منه بعد كلامه معها امس 
جلس سيف بجانبها بهدوء وقال فطرتى 
ديما مستنياك 
سيف طب ننزل ولا نطلب هنا 
ديما لأ هناممكن ننزل بعد الفطار 
سيف زى ماتحبى 
ديما هطلبلك فطار على ذوقى المره دى 
سيف وانا موافق هتصل بماما واطمن على كارما امبارح مكلمتهمش 
ديما انا طمنتهم علينا لما وصلنا وكلمت كارما 
سيف كويس انك عملتى كده انا نسيت خالص اكلمهمانا هقوم اكلمهم
ديما اوك 
طلبت ديما الفطور ورجع سيف من الشرفه متجهم 
ديما بقلق فيه حاجه
سيف مش عارف لابابا ولاماما ولا كارما بيردوا 
ديما طب ماتقلقش تعالى كل وبعد الفطار نكلمهم تانى لو ماردوش نتكلم ع الارضى 
سيف تفتكرى ايه الى مخليهم مايرضوش كلهم 
ديما يمكن بيتفسحوا مع بعض ولا حاجه شويه ونكلمهم ياله كل 
سيف يارب يكونوا بخير 
بدأوا فى تناول الطعام وكان كل منهم يحاول اخفاء قلقه عن الآخر بعد انتهائهم من تناول الطعام 
سيف ديما انا بتأسفلك على الكلام الى قلته امبارحولو يعنى تقدرى تنسيه اعتبرينى ما قولتوش
ديما تؤ تؤ مش هينفع
سيف للدرجه دى ضايقك الكلاملدرجة انك مش قادره تنسيه 
ديما ومين قالك انى اضايقت بالعكس 
سيف عشان انتى.... انتى قلتى ايه بالعكس يعنى انتى ماتضيقتيش 
ديما بدلع تؤ تؤ 
سيف خالص 
ديما بص الصراحه الى ضايقنى انك نزلت شربت وانا مش عايزاك تشرب تانى 
سيف بفرح ولا هحطه فى بؤى 
ديما تبقى احلف بأغلى حاجه عندك 
سيف وحياة ديما ما هشرب تانى 
خجلت ديما واحمرت وجنتيها يعنى انا اغلى حاجه عندك بجد ياسيف 
سيف اه والله ياديما انت بقيتى اغلى حاجه عندى فى حياتى انتى بقيتى النفس الى بتنفسه مش عارف حياتى من غيرك هتكون عامله ازاى بس الى عارفوا انى عمرى ماهسيبك تخرجى من حياتى الا لو مت 
وضعت ديما يديهاعلى شفتى سيف لتمنعه من اتمام جملته بعد الشر عليك ياسيف انا مقدرش اعيش من غيرك 
سيف بجد ياديما يعنى بتحبينى 
أطرقت ديما برأسها ولم ترد 
سيف خلاص مش عايز رد مش هبقى طماع كفايه عليه انك تكونى جمبى 
ديما انا بس عايزاك ياسيف تصبر شويه عليه يعنى لغاية لما ات....
سيف مقاطعا ديما هصبر ياحبيبتى ان شاللله لآخر العمر ومش مستعجل على حاجه براحتك خالص اتفقنا 
ديما اه اتفقنا 
رن هاتف سيف ونظر الى الشاشه فوجدها والدته
سيف اهى ماما بتتصل الو ايوه ياماما 
سكت سيف وتحولت ابتسامته الى عبوس ومنها الى ملامح خوف وفزع وبعدها قال جمله واحده مسافة السكه وأكون عندكم 
شعرت ديما بالقلق من تعبيرات سيف 
ديما سيف ايه الى حصل 
سيف ريهام فى مصر حاولت تاخد كارما ماما حاولت تمنعها بس كارما كانت خايفه فوقعت واغمى عليها ونقلوها الى المستشفى 
ديما ايهمعقول
سيف لمى حاجاتنا بسرعه ياديما لازم نرجع مصر فورا ......  
خرجت ديما من غرفة كارما متجهه الى غرفة سيف ولكنها تفاجئت بخروج ريهام من أحدى الغرف متجهه الى غرفة سيف وهى مرتديه قميص نوم قصير وعليه روب وتركت شعرها الكنتستنائى منسدلا على ظهرها لم تتحمل ديما الوقوف اكثر من ذلك بعدما دخلت ريهام غرفة سيف وجرت مسرعه الى غرفتها اغلقت الباب خلفها وارتمت على سريرها وظلت تبكى حتى نامت 

كان سيف جالس بغرفته بأنتظار ديما وعندما سمع صوت الباب وأحدهم يفتح الباب ويدخل كان متأكد انها ديما ولكن خاب توقعه عندما وجد ريهام هى من دخلت وأكثر ما فاجئه ماكانت ترتديه 
سيف متفاجئا ريهام انتى ايه الى جابك وبعدين ايه الى انتى لابساه ده 
ريهام ايه ياسيفو وحشتنى هو انا ايه ماوحشتكش 

اقتربت منه ريهام بدلال 
رييهام وبعدين مش انا مراتك يعنى انام معاك هنا مش لوحدى 
سيف وده من أمتى الكلام ده ماكنا عايشين فى بيتنا وكل واحد منه ليه أوضه
ريهام خلاص بئه مبيبقاش قلبك أسود 
سيف انت عاييزه ايه ياريهام عشان الجو بتاع وحشتك ده مابقاش يخيل عليه 
ريهام مش عاييزه حاجه عايزه جوزى 
سيفوده من أمتى صحيتى الصبح لقيتى نفسك كده 

اقتربت منه ريهام أكثر وتعلقت برقبته ونظرة له نظره مليئه بالمشاعر

ريهام مشتقالك 
نظر لها سيف بأشمئزاز ثم ابعد يديها عن رقبته وقال بغضب اخرجى بره ياريهام عايز انام 
ريهام كده ياسيف للدرجه دى فيها ايه زياده عن كل الزباله الى عرفتهم دايما كنت بتلف وبترجعلى عشان انت عارف قيمتى ليه المره دى مختلفه 
سيف مش فاهم قصدك 
ريهام الست ديما ولا انت فاكرنى مصدقه انها سكرتيرتك بس آخر حاجه كنت اتخيلها ان انكل اشرف يسمح لعشيقتك تقعد معاك فى نفس البيت 

هوت صفعه مدويه على وجنتة ريهام اخرسى هى مين دى الى عشيقتى ديما ضفرها برقبة عشره منك وأشرف منك ومن امثالك 
ريهام وقد وضعت يديها مكان الصفعه هى حصلت ياسيف بس ورحمة بابى لهدفعك تمن القلم ده غالى اوى ومبقاش ريهام الفيومى ان ماسففتك التراب 

خرجت ريهام من الغرفه وهى حانقه وتتوعد فى سرها لكلا من ديما وسيف 

جلس سيف مكانه وشعر بأن جسده كله يرتعش فهذه اول مره منذ ان تزوج ريهام يلجأ معها للعنف ولكن هى من أخرجته عن طورهالايكفيها ان بسببها لايستطيع ان يعلن ان ديما زوجته ومحبوبته ولكنه قرر ان اول ماسيفعله صباحا ان يعلن لريهام ان ديما زوجته فلن يتحمل ان تجرح ديما بأى كلمه 

خرج سيف من غرفته الى غرفة ابنته فوجد كارما نائمه ولكن ديما غير موجوده معها قرر ان يذهب الى غرفة ديما طرق الباب فلم يجيب أحد ففتحه بهدوء ودخل فوجد ديما نائمه على السرير وشعرها يغطى وجهها فلم يستطيع منع نفسه من ان يمد يده ويزيل شعرها من على وجهه أزال خصيلات شعرها برفق ومسح على وجنتيها بحنان ولكنه شعر برطوبة وجنتيها وعلم ان ذلك من آثار البكاء حزن كثيرا لانه عرف انه السبب فى هذه الدموع وزاده ذلك تصميما على ان يرد لها أبتسامتها ويعلن امام الملأ انها زوجته وحبيبته نهض بخطوات مثقله بأتجاه الباب خرج منه واغلقه بهدوء ورجع الى غرفته وبدل ثيابه وجلس على سريره يفكر بجميلته التى سلبت عقله وقلبه بجرائتها وبرائتها ورقتها وتحديها فهى مجموعه من التناقضات الجميله كونت اجمل انثى ظل يفكر فيها حتى حل التعب عليه ونااام 

أستيقظت ديما وهى تشعر بصداع قوى من البكاء نهضت ودلفت الى الحمام خلعت ملابسها وأستحمت وارتدت ملابس العمل كانت واقفه امام المرآه عندما سمعت طرق الباب 
ديما أدخل 
دخل سيف الى الغرفه فوجدها امام المرآه تسرح شعرها وترفعه وترتدى ملابس العمل 
سيف صباح الخير ياحبيبتى 
ديما دون ان تنظر له ومازالت مركزه على ماتفعله صباح النور
سيف هو انتى رايحه فين 
التفتت ديما ولكنها لم تنظر له وذهبت بأتجاه شنطتها وقامت بوضع هاتفها فيه رايحه الشركه 
اقترب سيف منها وامسك ذراعها وأجبرها ان تواجهه شركة ايه الى هتروحيها احنا متجوزين من ٣ ايام وانهارده عايزه تروحى الشركه
نفضت ديما ذراعها من يد سيف جواز ايه انت صدقت نفسك 
سيف يعنى ايه 
ديما يعنى احنا متفقين يابشمهندس انى هفضل اشتغل يبقى مفيش مانع انى انزل دلوقتى وخصوصا ان فيه شغل متأخر 
سيف خلاص أجليها لآول الاسبوع الجاى 
ديما لأ 
سيف لأ يعنى ايه لأ 
ديما انا هنزل انهارده مش طايقه اقعد هنا حاسه انى هتخنق 
شعر سيف ان وجود ريهام هومايزعج ديما لذلك قرر ان يخبرها عن مانوى ان يفعله لعل ذلك يفرح قلبها 
سيف ديما انا كنت عايز....
قطع كلامه طرقات ع الباب وبعدها دخلت ريهام الى الغرفه ظلت تتهادى فى مشيتها الى ان وصلت الى سيف وقالت دلال صباح الخير ياحبيبى قلقت لما صحيت لقيتك مش جمبى 
سيف جمب مين ياريهاممين الى كان جمبك 
ضحكت ريهام واقتربت اكتر من سيف هو الوقت الحلو كده مابيتحسش بيه والتفتت الى ديما وقالت......... عن أذنك يامدام هنكمل كلامنا بره 
ديما لأ خدوا راحتكم انا اصلا ماشيه 
سحبت ديما حقيبتها ووضعتها وخرجت من الغرفه قبل ان يعترض سيف بعدما خرجت ديما من الغرفه
التفت سيف بغضب الى ديما ايه الى انتى قلتيه ده مين الى كان نايم جمبك 
اديما ضحكه رنانه ايه زعلت هو انت لسه شفت حاجه انا هدفعك تمن القلم ده غالى اوى 
سيف ماتقولى ياريهام انتى عايزه ايه وتروحى ماترح ماجيتى وتريحينى من قرفك 
ريهام للدرجه دى خايف على زعل الهانم بتاعتك 
سيف لآخر مره ياريهام ملكيش دعوه بديما خرجيها بره كلامنا ولعلمك بئه ديما تبقى.....
ريهام مش مهم تبقى ايه بص ياسيف م الآخر انا محتاج مبلغ عشان اكمل مشروعى لو اديتهولى همشى وابعد عنك وعن الهانم بتاعتك 
سيف انا مش مديك فلوس قبل ما آجى مصر 
رهام بلا مبالاه خلصوا
سيف طب وعايزه اد ايه 
ريهام عايزه زيهم 
سيف بس ده كتير اوى انا عاييزه اعرف كل فلوسك دى ومعندكيش سيوله تمولى بيها مشروعك
ريهام اصل انا داخله صفقه كبيره مخلصه تقريبا على كل السيوله الى معايهوبعدين انت هتفتحلى تحقيق هتدينى ولا لأ 
سيف هديكى بس على شرط
ريهام ايه هو 
سيف هطلقك وتتنازلى لى عن حضانة كارما 
ريهام مفكره اوك 
سيف طب هديكى الشيك ونروح دلوقتى للمأذون
ريهام بتلعثم لأ هنتطلق هناك فى الغردقه انا كده هيكون لسه ليه عندك المؤخر والافضل يكون المحامى بتاعى موجود 
سييف طيب 
مدت ريهام يديها الشيك 
سيف لما أجيلك الغردقه
ريهام لأ انا محتجاه ضرورى عايزه اكمل مشروعى هروح اوضب شنطتى تكون جهزتوا



وخرجت من الغرفه مسرعه قبل ان يعترض 
كتب سيف لريهام الشيك وأعطاه لها 
سيف الشيك 
ريهام ميرسى يابيبى 
سيف بسخريه على فكره ياريهام ديما تبقى مراتى 
ريهام متفاجئه ولكنها اخفت تفاجئها وضيقها وحملت حقيبتها مبروك يابيبى 
خرجت ريهام من الفيلا وانطلقت بسيارتها أستعجب سيف انها سافرت بالسياره ولم تأتى بالطائره مثل كل مره ولكنه قرر ان يشغل باله كثيرا وذهب الى غرفته بدل ملابسه وذهب الى الشركه.......
جلست ديما فى مكتبها تعمل فقد كان هناك عمل كثير متراكم خصوصا ان غدا موعد الاجتماع مع المهندسيين الايطالييين للموافقه النهائيه على التصميمات التى قاموا بها المهندسيين المصريين ومن ضمنهم المهندس ماجد واثنين آخرين من الشركه اصبحت القريه شبه جاهزه على الورق بأنتظار موافقة الايطاليين على التصميمات وسيبدأ فى التنفيذ وعلمت أيضا ان سيف سيكون مسئول هو وشركته الجديده عن التصميم الداخلى للقريه عندما ذكر اسم سيف امامها فى الاوراق شعرت بدقات قلبها تسارعت ولكن عندما تذكرت كيف انه كذب عليها بخصوص علاقته مع زوجته وان علاقتهم علاقه زوجيه طبيعيه وانها نام بين أحضانه أمس شعرت بالدموع تلسع عيونها رمشت لتبعد الدموع عنها. فهذا لا المكان ولا الزمان الذى تبكى فيه 
دخلت مازن الى شركة الجيار بعدما علم ان سيف رجع من السفر ووالده اخبره ان زوجته ديما بالمكتب وهو سيكون على وصول 
مازن داخل مكتب ديما ديما ازيك 
ديما اهلا مازن ازيك 
مازن انا مش همد ايدى واسلم عشان انا أجنبى 
ديما هههههه شاطر والله 
مازن يعنى انفع والنبى 
ديما ممممم تنفع بس من غير والنبى 
مازن طب اقولك بالله عليكى صح 
ديما والله يامازن ده فيه تقدم 
مازن انا خالد ادانى سى دى سمعته وفهمته وسمعت حاجات كتير الفتره الى فاتت لشيوخ تانيه 
ديما كل ده عشان خاطر مى 
مازن هتصدقينى لو قلت لك انى فى الاول كنت بعمل كده عشان خاطر اقرب من مى لكن بعد كده حسيت انى بجد لقيت نفسى كنت ضايع مليش هدف مفش معنى لحياتى بس دلوقتى انا مصمم اغير حياتى واعوض كل الى فاتنى ولو مليش نصيب فى مى هرضى بالى قسموه ربى لكن لو ليه نصيب فيها بجد هكون أسعد واحد فى الدنيا وحاسس انى هكون احسن 
ديما مازن انت عاز تقنعنى انك حبيت مى بالسرعه دى انت ماشفتهاش غير مرتين 
مازن يمكن ميكنش حب بس انا اتشديت لها اوى يعنى عارفه لما تحسى انك لقيتى نصك التانى حد حاسه ان وجوده فى حياتك هيخليها أحسن وانا حاسس بكده مع مى عشان كده متمسك بيها 
ديما انا بصراحه يامازن بعد الى انت قلته هكون سعيده اوى لو مى ارتبطت بواحد زيك وهساعدك 
مازن بجد 
ديما اه بجد انا حاسه انها هتوافق احنا كنا لسه بنتكلم من فتره عن فتى احلامها وهى قالت لى انه مش شرط يكون ملتزم المهم يكون عند نيه للالتزام وهى تساعده 
مازن بارتياح طيب كده فى امل 
ديما انت تعرف ان مى كانت مكتوب كتابها 
مازن لأ ماعرفش بس ليه اتطلقوا 
ديما دى حاجه هى بس الى تقولهالك انا ماملكش انى اقولها دى اسرارها 
مازن طب عايز اعرف بس حاجه هى كانت بتحبه 
ديما لأ اطمن ده كان جواز صالونات 
مازن طمنتينى 



بعد قليل وصل سيف الى مكتبه ولكنه سمع اصوات ضحكات آتيه من مكتب ديما 
ديما ههههههه خلاص يامازن كفايه حرام عليك بطنى وجعتنى من الضحك 
مازن واللله يابنتى والواد عمال يغمزلى وانا بسيحله واقوله الموزه الى كنت معاها واتارى الى واقفه جمبه مراته 
انفجرت ديما فى الضحك ودخل سيف على صوت ضحكها 
سيف طول عمرك حمار 
مازن سيف جيت امتى 
سيف لا ياحبيبى انا كنت نابم فى البيت بس صحيت على صوت ضحك مراتى الى عمرى ماسمعته فقلت اجى اشوف الاراجوز الى بيضحكها 
نظرت له ديما ولم ترد عليه فهو يريد ان يقلب الدفه عليها وهى لن تسمحله 
ديما والله اصل الصراحه ماشفتش حد دمه خفيف كده زى مازن 
امسك مازن بياقة قميص بكل فخر طبعا ياماما وانا اى حد 
سيف انت جاى هنا ليه اصلا 
مازن عايزك فى موضوع 
سيف طب اسبقنى ع المكتب وانا هحصلك وبعد كده المكتب ده وأشار على مكتب ديما ملكش أوعاد فيه 
مازن خلاص ياعم متزقش 
دخل مازن الى مكتب سيف وترك سيف مع ديما بمفردهم التفت سيف الى دييما ودار حول المكتب واسند ظهره على مكتبها ليصبح امامها مباشرة 
سيف ممكن افهم ايه الضحك ده كله 
ديما فى ايه كان بيقول حاجه بتضحك وضحكت ايه المشكله 
سيف فى انى راجل بغير ومبحبش اشوف ضحكة مراتى غير ليه انا بس 
ديما مراتك هى فين مراتك انا مش شايفه ريهام هنا 
سيف بهدوء انتى مراتى
ديما لأ انا مش مراتك انا الزوجه الاحتياطى مراتك هى الى كنت نايم جمبها امبارح 
سيف داحنا بنغير بئه 
ديما وأغير له الواحد بيغير على حاجه بتاعته لما تروح لغيره لكن انت مش بتاعى عشان أغير عليك 
سيف وقد وضع يديه على وجنتيها انا بتاعك انتى وبس ياديما ريهام كدابه انا مكنتش نايم معاها ولاجمبها من اصله 
ابعدت ديما وجهها عن يديه نفرض انى هصدقك انها كدابهاكدب ازاى عينى وانا شايفاها داخله عندك الاوضه ولبسه قميص نوم 
سيف لو كنتى استنيتى بس ١٠ دقايق كنت هتشوفيها وهى خارجه افاها يقمر عيش 
ديما ................
امسك سيف بوجه ديما مره اخرى بصيلى ياديما انا واللله مابكدب عليكى هى عرضت عليه نفسها بس انا رفضت انا عيونى مبقتش عارفه تشوف غيرك حست انى مش شايفاه مش حاسس بيها قرفان من لامستها 
ديما وقد استشعرت الصدق فى نبرة صوته يعنى انت بجد ياسيف مش بتكدب عليه 
سيف وحياة ديما عندى انا مالمستها 
ديما امال هيه قالت كده ليه 
سيف ريهام حاست انى فيه حاجه بينى وبينك فحبيت توقع بينا وتغيظك يعنى تقدرى تقولى كده كيد ستات غيرة نسوان 
ديما هتغير منى انا ليه 
سيف عشان عندك حاجه مش عندها 
ديما هى ايه 
سيف قلبى قلبى الى انتى ملكتيها ومحدش عرف يملكه غيرك ملكتيه فى مده قليله وهى عاشت معايه سنين معرفتش تملكه عرفتى ليه بتغير منك 
أبتسمت ديما وأطرقت رأسها بخجل ولكن سيف وضع يده تحت ذقنها ورفع رأسها 
سيف ديما انا بحبك بحبك اوى 
ديما................
سيف انا اتفقت مع ريهام ع الطلاق 
ديما ايه طب وكارما 
سيف كارما كارت بتلعب بيه ريهام عشان توصل لللى هيه عايزاه 
ديما وايه الى هيه عايزاه 
سيف بصى ياستى بأختصار ريهام كانت داخله مشروع كبير قبل ماننفصل ولما حبيت ننفصل طلبت منى امولها مشروعها المبلغ كان كبير فساومت معها انى اديها نص المبلغ واخد كارما وافقت بس شرطها اننا مانتطلقش دلوقتى جايه عايزه فلوس تانى يعنى نفس المبلغ تقريبا بس المره انا الى شرطت عليها هديها المبلغ فى نظير الطلاق وحضانة كارما وهى وافقت وخلاص آخر الاسبوع هنتهى منها ومن وجودها فى حياتى 
ديما بجد ياسيف 
سيف بجد ياروح قلب سيف انا خلاص مدام ريهام عرفت الدنيا كلها لازم تعرف انك مراتى وحبيبتى وملكى عشان محدش يفكر بس يبصلك 
ابتسمت ديما 
اقترب سيف من ديما واسند جبهته على جبهتها وهو يمرر يديه على صفحة وجهها الناعم 
سيف بصوت هامس هنكون مع بعض دايما مفش حاجه هتفرقنا عن بعض كل الناس هتعرف انك بتاعتى وليه انا بس انتى حبيبتى انا بس صح 
أومأت ديما برأسها علامة الموافقه 
سيف وانا حبيبك صح 
عضت ديما على شفتيها بخجل وأومأت مره آخرى 
سيف بسعاده طب مش هتحنى عليه وتسمعيهالى 
خجلت ديما واحمرت وجنتيها فلم يتمالك سيف نفسه على وجنتيها لولا ان باب مكتبه فتح فجأه وخرج مازن منه صائحا ايه ياعم انا خللت جوا 
سب سيف مازن وامسك مقلمة للاقلام موضوعه على مكتب ديما والقاها فى وجهه 
تفاجئ مازن من هجوم سيف تفادى الاقلام بصعوبه 
مازن فيه ايه ياعم بتحدفنى بالاقلام ليه 
سيف بغضب عشان حمار 
مازن انا مش فاهم حاجه 
سيف مش بقولك حمار 
مازن طب ايه هتفضل أعد عندك كتير انا زهقت جوا 
سيف بحنق لأ جاى ياخويه اتفضل 
التفت سيف الى ديما عن أذنك ياحبيبتى اشوف الحمار ده عايز ايه بس عايزك تعلنى اجتماع لكل موظفين الشركه معايه بعد نص ساعه من دلوقتى كل الموظفين حتى الامن والسعاه فاهمه 
ديما ليه 
سيف هتفهمى بعدين........
دخل سيف الى مكتبه تتبعه نظرات ديما السعيده ........................
بدأت ديما بالاتصال بجميع الموظفين والسعاه وافراد الأمن كما طلب منها. 
دخل سيف مع مازن الى مكتبه وهو غاضب من مازن ومقاطعته التى جاءت فى غير وقتها 
سيف أترزع يازفت خير عايز ايه 
مازن ايه ياعم المعامله دى 
سيف هو كده وده الى عندى هتقول ولا تغور تمشى 
مازن خلاص ياعم هنطقانا عايز أشتغل
سيف نعم ياخويه حد قالك عنى مكتب تشغيل وبعدين انت ياض مش أبوك وزير يعنى ممكن يشغلك فى اى حته عايزها
مازن انا مش عايز اشتغل مع أبويه انا مش عايز حاجه تكون ليها علاقه بيه 
سيف ليه يابنى
مازن يوووه ياسيف هيسمعنى كلمتين ويقولى من أمتى وانت طول عمرك صايع والكلام السخيف ده
سف طب انا مطلوب منى اه 
مازن عايز أشتغل معاك
سيف نعم ياخويه تشتغل فين وانت أش فهمك فى شغلنا 
مازن هو انت نسيت انى خرج هندسه زيك ونفس القسم كمان
سيف لأ انت الى نسيت انت كنت بتنجح أزاى 
مازن عارف ياسيف انى كنت بنجح بالكوسه عشان أبويه بس مايمنعش ان الدراسه ملهاش علاقه بالشغل وان الشغل بينجح بالخبره
سيف وانت بئه عندك خبره
مازن لأ معنديش بس ناوى أشتغل معاك وأبتدى من الصفر عشان افهم الشغلانه من الجدور
سيف مفكرا مش عارف يامازن
مازن عشان خاطرى انا هعمل اى حاجهممكن أبريلكم الاقلام أو أقعدلكم ع الورق بدل مايطير اى حاجه 
سيف وكل ده بركات ست مى 
مازن الصراحه مانكرش انى فكرت انى أشتغل عشان اعرف أتقدملهابس بعد كده فكرت بجد انى كبرت ومعرفش اى حاجه فى الدنيا غير الشرب والسرمحه لأمتى حياتى هتفضل كده لازم يكون فى حاجه صح فى حياتى 
سيف هو انت فكرت بجد فى موضوع مى مش عارف حاسس انه مش هينفع
مازن ليه بتقول كده 
سيف عشان انتوا مختلفين وماقصدش فى الطباع انا أقصد فى المستوى الى عرفته من ديما ان مى حالتهم الماديه على أدها جدا تفتكر دولت هانم وابوك الوزير هيرضى يناسب امام جامع
مازن بص ياسيف انا عارف ومتأكد انهم هيعارضوا بس انا مش فارق معايه هما اصلا مش موجوديين فى حياتى عشان يبقى من حقهم يوافقوا او مايوافقش انت عارف بابا طول النهار فى الوزاره وماما فى أعمالها وجمعياتها وانا وسامر آخر حاجه يفكروا فيها دانا ساعات بقول انهم افتكرونى سافرت مع سامر من كتر مانا مابيشوفنيش لو ماوافقوش انا هتجوز مى غصباعن عين اى حد 
سيف على العموم انا اتمنالك كل خير ياصاحبى 
......................
كانت ديما جالسه على مكتبها تعمل عندما شعرت بأحد يقترب من مكتبها فرفعت رأسها ووجدت ماجد امامها مباشرة لاتفصله عنها سوا المكتب 
ماجد حمد الله ع السلامه
ديما اهلا الله يسلمك 
ماجد كنتى مسافره 
ديما ايه يعنى 
ماجد بخبث بس غريبه ده البشمهندس سيف كمان كان ف أجازه صدفه غريبه 
ديما.......
ماجد اصل فى واحد صاحبنا من ايام الجامعه شاف سيف ف السخنه وقالى انه كان معاه واحده لما وصفهالى أكنه بيوصفك 
ديما انايخلق م الشبهه أربعين 
ماجد بتحصل برضونفس الاجازه نفس الشبه نفس المكان اممم بتحصل 
ديما هو حضرتك عايز ايه بالظبط عشان انا مش فاضيه
ماجد امممم يعنى نعمل مع بعض مصلحه بما أنك ليكى فى الجو تعالى نقضى الويك أند مع بعض وصدقينى مش هتندمى
لما تشعر ديما بنفسها الاوهى تلقى صفعه مدويه على وجنة ماجد 
انتفض ماجد من الموقف وأنقض عليها وأمسك بذراعها 
ماجد بئه حتة بت زيك تييييت تمد ايدها عليه انا 
فى هذه اللحظه كان سيف قد انهى اجتماعه مع مازن ووعده انه سييكون معه فى الشركه الجديده فتح سيف المكتب وتفاجئ بوجود ماجد كان ماجد قريب جدا من مكتب ديما وديما وجهها شاحب ذهب سيف الى ديما ووضع يديه على كتف ديما اما م نظرات ماجد المذهوله 
سيف حبيبتى انتى كويسه 
ديما بأرتباك اه كويسه 
سيف ماجد ازيك كنت عايز حاجه 
ماجد أبدا انا كنت داخل لبشمهندس أشرف وكنت بقول لمدام ديما تشوفهولى لو فاضى 
سيف طب أدخله أصل ديما مشغوله عندنا أجتماع مهم وألتفت الى ديما الاجتماع جاهز 
ديما اه
التفت سيف الى ماجد اه صحيح ياماجد مش تباركلى مش انا أتجوزت انا وديما 
ماجد متفاجئا أيه امتى 
سيف